„Elstu reynsluboltarnir muna ekki annað eins“

„Það er alls ekki hægt að kvarta yfir aflabrögðunum þegar við höfum getað verið að veiðum vegna veðurs. Vandinn er sá að það er alltaf kolvitlaust veður. Elstu reynsluboltarnir um borð muna ekki annað eins og ég held að ég muni það rétt að búið sé að gefa út 50 stormviðvaranir frá áramótum,“ er haft eftir Ævar Jóhannsson, skipstjóri á frystitogaranum Örfirisey RE, á vef Brims.

Frétt af mbl.is

„Menn hafa gefist upp á þessu í bili“

Hann segir veiðar hafi hafist 2. janúar á Vestfjarðarmiðum og að hafi verið góð ufsaveiði á Halanum „Dvölin á miðunum var þó skemmri en við áttum von á og við hröktumst á brott undan veðri. Austfjarðamið voru eini staðurinn sem hægt var að vera á og við fórum því þangað ásamt miklum fjölda skipa. Veiðin var góð en uppistaða aflans fyrir austan var þorskur sem ekki er okkar kjörtegund.“

Frétt af mbl.is

Sáttur við aflann þrátt fyrir snarvitlaust veður

Það var góð veðurspá fyrir miðin Suðvestur af landinu , að sögn Ævars en spáin gekk ekki eftir. „Því má segja að allan seinni hluta veiðiferðarinnar höfum við gripið þá dagsparta sem á annað borð hefur verið hægt að stunda veiðar,“ segir Ævar. Var Örfirisey í vari á Stakksfirði í fjóra sólarhringa. „Ein lægð á dag og hvassviðrið sem fylgir er ekki það versta. Sjólagið er verst og sjórinn nær ekki að ganga niður þó það dúri á milli lægða. Það er búin að vera 9-10 metra ölduhæð samkvæmt baujunni út af Garðskaga í lengri tíma og í slíku ofsaveðri er ekki hægt að stunda veiðar.“

Þá segir á vef Brims að Örfirisey komi til löndunar í Reykjavík í fyrramálið og að aflinn sé um 530 tonn.

Frétt af mbl.is

„Það var bræla hérna í tvo daga“

• Blogga um frétt