„Ég man ekki eftir eins mikilli ótíð“

„Þetta er vægast sagt búin að vera erfið vertíð það sem er af þessu ári vegna stöðugar ótíðar,“ segir Þórður Björnsson, hafnarvörður í Ólafsvík. Aflabrögð hafa verið með ágætum þegar verður hefur verið til veiða, en smábátar hafa lítið getað athafnað sig vegna veðurs, en það hefur aflast vel hjá netabátum að undaförnu, segir Þórður.

Þá hefur netabáturinn Bárður SH hefur mokfiskað og landað frá 35 tonnum upp í 45 tonn yfir daginn, einnig hefur netabáturinn Ólafur Bjarnarson aflað vel ásamt netabátunum Magnúsi SH og Saxhamri frá Rifi, að sögn hafnarstjórans og bætir við að afli hefur tekist að glæðast í dragnótina.

„Ég man ekki eftir eins mikilli ótíð í mörg ár eins og hefur verið að undaförnu, en mér finnst rólegra það sem er af ári en á síðasta ári og spilar þar mest inn í ótíð og í suðvestan áttinni sem var hér alsráðandi í janúar. Þá þurrkaðist fiskurinn úr Breiðafirðinum, en er núna að koma til baka,“ segir Þórður að lokum.

Bárður SH hefur mokfiskað í netin en Bárður er stærsti plastbátur íslands og kom til landsins í desember. Hann er hér að koma til löndunar eftir góðan róður. mbl.is/Alfons Finnsson

• Blogga um frétt