„Þetta gerir þetta bara vetrarlegra“

Talsvert magn af krapi var í Suðureyrarhöfn þegar bátar komu til hafnar í gærkvöldi. Ný búið var að moka hafnarbakkann en sjórinn er svo kaldur að snjórinn bráðnar illa, segir Þorleifur Sigurvinsson hafnarstarfsmaður í samtali við 200 mílur. Hann segir krapið ekkert hafa truflað löndun. „Þetta gerir þetta bara vetrarlegra.“

Það var ágætur afli sem landaður var í Suðureyrarhöfn í gærkvöldi og var stór þorskur uppistaða aflans, að sögn Þorleifs. Hrefna kom til hafnar að með 3.305 kíló, Arney kom með um 13,5 tonn og Von landaði tæpum 10,5 tonnum.

Frétt af mbl.is

Aftakavindur í vændum

Hann segir búið að undirbúa höfnina fyrir hvassviðrið sem væntanlegt er á morgun. „Það er allt klárt fyrir það. Þannig að þetta verður vonandi bara rólegt.“

Mikið krap var í köldum sjónum. Ljósmynd/Suðureyrarhöfn

Ljósmynd/Suðureyrarhöfn

• Blogga um frétt