Bátur sökk við bryggjuna í Eyjum
Arnar Þór Ingólfsson
Setja bókamerki
Vélbáturinn Blátindur VE21 sökk við bryggju í Vestmannaeyjum í morgun. Greint er frá þessu á vef Eyjafrétta.
Óskar Pétur Friðriksson í Eyjum tók meðfylgjandi myndir af bátnum við bryggjuna í morgun. Blátindurinn er nú horfinn ofan í höfnina og einungis mastrið stendur upp úr.
Blátindur var smíðaður í Vestmannaeyjum árið 1947 og var í útgerð allt til ársins 1992, samkvæmt því sem segir á vef Eyjafrétta.
Um aldamót lét áhugamannafélag um varðveislu Blátinds gera bátinn upp og var hann afhentur menningarmálanefnd Vestmannaeyja til varðveislu á sjómannadaginn árið 2001.
Flaut um höfnina áður en hann svo sökk
„Hann hafði losnað og flaut hérna um höfnina í smá tíma áður en hann sekkur,“ segir Arnar Richardsson íbúi í Vestmannaeyjum við mbl.is.
Arnar tók myndband af því sem fram fór og birti á Facebook-síðu sinni. Það má sjá hér að neðan.
Mest spennandi kosningar í áratugi
„Mér finnst Halla Hrund svona Vigdísarleg“
Fiskikóngurinn: „Mér fannst sárt að heyra það“
Baldur: „Ég ætla að svara þessu kalli“
Segir nýtt frumvarp gefa eldisfyrirtækjum auðlindir
Tapa fimm milljónum á dag
Búið að bólusetja börn alla helgina
Áköf mótmæli í bandarískum háskólum