Mikill samdráttur í lönduðum afla

Landaður afli í janúar nam tæpum 35,8 þúsund tonnum sem er 23% minni afli en í janúar í fyrra, að því er fram kemur á vef Hagstofu Íslands.

Þar segir að botnfiskafli hafi dregist saman um tæp 16 þúsund tonn eða 37%. Varð mesti samdrátturinn í ufsa og ýsu, en ýsukvótinn var minnkaður um 25% fyrir fiskveiðiárið. Þorskaflinn, mikilvægustu útflutningsvörunni, dróst saman um 28% og voru lönduð rúm 17 þúsund tonn af tegundinni.

Líklegt er að veðurfar í janúar hafi haft veruleg áhrif á skilyrði til veiða og þar með skýri að minnsta kosti hluta samdráttarins.

Frétt af mbl.is

„Veðrið truflaði okkur verulega framan af“

Aukning varð hins vegar í uppsjávarafla þar sem rúm 6 þúsund tonn af kolmunna veiddust, en enginn kolmunni hafði veiðst í janúar 2019.

Þá var heildarafli á 12 mánaða tímabili frá febrúar 2019 til janúar 2020 1.038 þúsund tonn sem er 13% minna en fyrir sama tímabil ári áður.

• Blogga um frétt