Krefja RÚV um afsökun og áskilja sér rétt til kæru
Setja bókamerki
Útgerðarfyrirtækið Samherji krefur stjórn og útvarpsstjóra Ríkisútvarpsins (RÚV) um afsökunarbeiðni og tafarlausa leiðréttingu vegna fullyrðingar í frétt RÚV í síðustu viku um að Samherji hafi fengið aflaheimildir í Namibíu gegn mútum og þannig grafið undan þróunaraðstoð. Í fréttatilkynningu vísar Samherji þessu alfarið á bug og telur að vinnureglur RÚV hafi verið brotnar við vinnslu fréttarinnar.
Auk kröfu um afsökunarbeiðni og leiðréttingu kveðst Samherji áskila „sér rétt til að höfða mál vegna þessara ummæla og annarra“. Í afriti af erindinu sem Samherji sendir RÚV segir að fréttaflutningurinn feli í sér refsiverðar og bótaskyldar aðdróttanir. Vísar fyrirtækið til ákvæða 235. og 236. greina hegningarlaga og áréttar Samherji að þeir sem brjóti gegn þessum ákvæðum geta átt yfir höfði sér allt að tveggja ára fangelsi.
Segja RÚV brjóta eigin vinnureglur
Í fréttatilkynningunni segir Samherji bréfið til RÚV útlista staðreyndir og að í því komi fram „að fullyrðing í fréttinni eigi sér enga stoð í raunveruleikanum og sé úr lausu lofti gripin,“ segir í tilkynningu Samherja. Telur fyrirtækið að hægt væri að koma í veg fyrir þessa stöðu hefði fyrirtækinu verið gefinn kostur á að svara fyrir sig. „Eins og vinnureglur fréttastofu Ríkisútvarpsins geri áskilnað um.“
Kveðst Samherji gera alvarlegar athugasemdir við framsetningu fréttarinnar. „Þar var viðtal við erlendan viðmælanda um spillingu en látið líta út fyrir að umræðuefnið væri mál Samherja. Viðmælandinn minntist þó ekki einu orði á fyrirtækið eða starfsemi þess. Á meðan voru sýndar myndir af stjórnendum Samherja.“
Þá sé alvarlegra, að mati Samherja, að fullyrt sé að stjórnendur fyrirtækisins hafi „gerst sekir um alvarlega refsiverða háttsemi með því að múta embættismönnum í Namibíu en þeir hafi hvorki verið sakfelldir né ákærðir fyrir slíka háttsemi. Þá sé enginn starfsmaður Samherja með réttarstöðu sakbornings vegna málsins“.
Ofsóttur innan veggja Boeing
Fjárfestingin 115 milljarðar króna
Bjarkey stendur við skammarbréf Svandísar
Hafa samþykkt kaup fyrir um 9,2 milljarða
Kveðst tala af virðingu: „Ég er enginn dóni“
Hægagangur og vaxandi ókyrrð
Kvikan virðist nú skiptast til helminga
„Menn eru bara búnir að forgangsraða“