Fiskikóngurinn vill að „rétt“ verð sé birt

Fiskikóngurinn Kristján Berg kveðst ekki sáttur við það hvernig fjölmiðlar …
Fiskikóngurinn Kristján Berg kveðst ekki sáttur við það hvernig fjölmiðlar birta markaðsverð afurða af fiskmörkuðum. mbl.is/Golli

Kristján Berg, betur þekktur sem fiskikóngurinn, kveðst ósáttur við framsetningu verðs á fiskmörkuðum á síðum mbl.is eins og það berst frá Reiknistofu fiskmarkaða (RSF). Segir hann framsetninguna ekki taka tillit til þess kostnaðar sem fisksalar þurfa að greiða fyrir fiskinn sem þeir kaupa á markaði og villi þannig fyrir neytendum sem kunna að halda að mikil álagning sé hjá fisksölum.

Kveðst Kristján hafa borið þessi sjónarmið undir fleiri fisksala á spjallsíðu þeirra og að allir sem svöruðu hafi tekið undir þessi sjónarmið. „Þetta er gríðarlega mikilvægt fyrir fisksala og gríðarlega mikilvægt fyrir neytendur. […] Gagnvart neytendum eru þetta röng verð.“

„Við erum að selja íslensk matvæli, íslenskan fisk, inn á íslenskan markað. Við erum ekki að hugsa um eitthvað erlendis eins og þessi verð hjá RSF. Ég er ekki að segja að þessi verð séu vitlaus, en þau eru röng að því tilliti að minn viðskiptavinur sér þessi verð en gerir sér ekki grein fyrir því sem þarf að leggja ofan á verðið svo það sé rétt. Það er verðið sem ég borga fyrir vöruna,“ segir hann.

3,6% af söluverði ýsuflaks

Inni í því verði sem fisksalar greiða fyrir vöruna er ísun og afgreiðsla, karaleiga, flutningur og virðisaukaskattur, útskýrir Kristján. „Þú getur ekki sagt eitthvert verð í Bónus og tekið af því virðisaukaskattinn, álagningu, vinnulaun og flutning. Það er ekki rétt verð.“

Þá séu kostnaðarliðirnir um 5% auk 25 króna á hvert kíló fyrir flutning og 11% virðisaukaskattur. Þannig myndi fisksali greiða 442 krónur fyrir kíló af óslægðri ýsu sem skráð er á markaði á 355 krónur á kíló, eða 24,4% meira. En roðlaus og beinlaus ýsuflök myndu vera seld fyrir 2.390 krónur á kíló, að sögn Kristjáns.

Samkvæmt þessu yrði munurinn á markaðsverði og endanlegu verði til fisksala 87 krónur, sem er 3,6% af verði ýsuflaksins.

Ósanngjörn framsetning

Spurður hvort það sé ekki eðlilegt að miðla verði á hrávörumarkaði með beinum hætti, svarar fiskikóngurinn að málið sé flóknari en svo. „Þau verð eru alveg rétt, en það er ekki sanngjarnt að bera þetta undir landann að þetta sé verðið og engar útskýringar hvað vantar ofan á verðið svo fólk geti borið saman verð með kostnaði.“ Hann segir að fyrst þegar kostnaður og gjöld fylgi framsettu verði geti neytendur borið saman verð hjá fisksölum „og það er líka eðlilegt“.

Framsetning afurðaverðs á fiskmörkuðum hjá 200 mílum.
Framsetning afurðaverðs á fiskmörkuðum hjá 200 mílum. Skjáskot/mbl.is

„Fisksalar eru ekki í feluleik með sína álagningu,“ fullyrðir Kristján sem segir marga horfa til verðs á fiskmörkuðum og leita skýringa hjá fisksölum. „Við erum búnir að standa í rökræðum við okkar viðskiptavini í mörg ár út af þessu. […] Sumir vilja ræða þetta og svo er fullt af fólki sem er forvitið og segist ekkert skilja í þessu. Maður hefur heyrt viðtöl í útvarpi á Rás 2 og Bylgjunni þar sem fólk er að tala um þetta. Þetta er ekki sanngjörn umræða gagnvart okkur fisksölum.“

Fiskikóngurinn minnir á að fjölmiðlar beri ábyrgð á því sem þeir birta og að honum þyki sanngjarnt að tekið sé fram að ekki sé innifalinn kostnaður. Spurður hvort slíka fyrirvara þyrfti ekki að setja við umfjöllun á markaðsverði annarra hrávara eins og til að mynda olíu, kveðst hann ekki þekkja hvernig málum er háttað í öðrum greinum.

mbl.is

Bloggað um fréttina

Fleira áhugavert
Afurð Dags. Meðalverð
Þorskur, óslægður 27.3.24 401,29 kr/kg
Þorskur, slægður 27.3.24 443,15 kr/kg
Ýsa, óslægð 27.3.24 182,08 kr/kg
Ýsa, slægð 27.3.24 136,03 kr/kg
Ufsi, óslægður 27.3.24 107,02 kr/kg
Ufsi, slægður 27.3.24 189,28 kr/kg
Gullkarfi 27.3.24 143,21 kr/kg
Litli karfi 27.3.24 8,00 kr/kg
Blálanga, óslægð 11.3.24 50,00 kr/kg
Blálanga, slægð 27.3.24 120,00 kr/kg

Fleiri tegundir »

28.3.24 Kaldbakur EA 1 Botnvarpa
Karfi 91.675 kg
Ufsi 10.767 kg
Þorskur 692 kg
Langa 300 kg
Samtals 103.434 kg
27.3.24 Hrefna ÍS 267 Landbeitt lína
Steinbítur 10.108 kg
Þorskur 718 kg
Ýsa 71 kg
Samtals 10.897 kg
27.3.24 Petra ÓF 88 Grásleppunet
Grásleppa 1.233 kg
Þorskur 118 kg
Skarkoli 6 kg
Rauðmagi 4 kg
Þykkvalúra 3 kg
Ufsi 2 kg
Samtals 1.366 kg

Skoða allar landanir »

Fleira áhugavert
Afurð Dags. Meðalverð
Þorskur, óslægður 27.3.24 401,29 kr/kg
Þorskur, slægður 27.3.24 443,15 kr/kg
Ýsa, óslægð 27.3.24 182,08 kr/kg
Ýsa, slægð 27.3.24 136,03 kr/kg
Ufsi, óslægður 27.3.24 107,02 kr/kg
Ufsi, slægður 27.3.24 189,28 kr/kg
Gullkarfi 27.3.24 143,21 kr/kg
Litli karfi 27.3.24 8,00 kr/kg
Blálanga, óslægð 11.3.24 50,00 kr/kg
Blálanga, slægð 27.3.24 120,00 kr/kg

Fleiri tegundir »

28.3.24 Kaldbakur EA 1 Botnvarpa
Karfi 91.675 kg
Ufsi 10.767 kg
Þorskur 692 kg
Langa 300 kg
Samtals 103.434 kg
27.3.24 Hrefna ÍS 267 Landbeitt lína
Steinbítur 10.108 kg
Þorskur 718 kg
Ýsa 71 kg
Samtals 10.897 kg
27.3.24 Petra ÓF 88 Grásleppunet
Grásleppa 1.233 kg
Þorskur 118 kg
Skarkoli 6 kg
Rauðmagi 4 kg
Þykkvalúra 3 kg
Ufsi 2 kg
Samtals 1.366 kg

Skoða allar landanir »