Enn eitt metið hefur verið slegið í útflutningi eldisafurða og námu útflutningsverðmæti þeirra 2,5 milljörðum króna í janúar sem er mesti útflutningur sem verið hefur í janúarmánuði. Um er að ræða 6% aukningu í krónum talið frá janúar í fyrra þegar verðmæti afurðanna nám 2,4 milljörðum króna, að því er fram kemur í fréttabréfi Samtak fyrirtækja í sjávarútvegi.

Þar segir að „á föstu gengi er aukningin aðeins minni, eða tæp 5%, þar sem gengi krónunnar var rúmlega 1% lægra nú í janúar en í sama mánuði í fyrra. Í tonnum talið var aukningin þó nokkuð minni, eða tæp 2%.“

Fram kemur í fréttabréfinu að mesta breytingin sé í útflutningsverðmæti silungs, en verðmæti hans í janúar nam 604 milljónum króna, en voru 438 milljónir í sama mánuði í fyrra og var því aukningin 38%. „Er hér aðallega um bleikju að ræða, en framleiðsla á henni hefur stóraukist undanfarin ár.

Flutt var út eldislax fyrir 1,9 milljarða króna í janúar sem er 5% aukning frá sama mánuði 2019 þegar útflutningsverðmæti eldislax nam 1,8 milljörðum. Þá segir að talsverður samdráttur varð í útflutningsverðmætum annarra eldisafurða og nam verðmæti þeirra 44 milljónir króna, en var 164 milljónir í janúar í fyrra.

Hægt er að nálgast helstu tölur um útflutning eldisafurða og sjávarfangs á Radarnum.

Tengdar fréttir

Fiskeldi

Fjárfestingin 115 milljarðar króna

• Bátur Arnarlax verður fyrsti sinnar tegundar
• Lagareldismálið fyrst á dagskrá
• Gera niðurstöður umhverfisvaktana aðgengilegar
• Gagnrýna aðferðir við áhættumat

» Fleiri tengdar fréttir

• Blogga um frétt