Kristján Þór Júlíusson, sjávarútvegs- og landbúnaðarráðherra, hefur undirritað reglugerð um grásleppuveiðar árið 2020.

Reglugerðin heimilar veiðar í 25 daga á hvert veiðileyfi en dagafjöldinn verður endurskoðaður í ljósi ráðgjafar Hafrannsóknastofnunar sem vænta má fyrir 1. apríl. Þá mega veiðar hefjast fyrr en verið hefur eða 10. mars.

Fram kemur í tilkynningu frá ráðuneytinu að meðafli spendýra og fugla hafi um nokkurt skeið verið vandamál við veiðar á grásleppu og sé meðal annars helsta ástæða þess að veiðarnar misstu vottun MSC árið 2018. Þar komi einkum til umtalsverður meðafli sjófugla auk landsels og útsels, sem eru á válista Náttúrufræðistofnunar um tegundir sem eiga undir högg að sækja.

Tengdar fréttir

Grásleppuveiðar

Fjölga veiðidögum á grásleppu í 40

• Ráðgjöf í grálseppu lækkar um 9% milli ára
• Verð á grásleppu hækkar á ný
• Verðhrun á mörkuðum veldur áhyggjum
• Sigurður landaði fyrstu grásleppunni á Húsavík

» Fleiri tengdar fréttir