Nýr bátur kemur í stað Lágeyjar sem strandaði

Gunnlaugur Karl Hreinsson, eigandi GPG Seafood, undirritaði samninginn um smíði …
Gunnlaugur Karl Hreinsson, eigandi GPG Seafood, undirritaði samninginn um smíði nýs báts fyrir hönd fyrirtækisins og Matthías Sveinsson, eigandi Víkingbáta, fyrir hönd síns félags. Báturinn er talinn geta tryggt betri meðferð afla. Ljósmynd/Víkingbátar ehf.

Það hafa verið miklir umbrotatímar hjá GPG Seafood að undanförnu og fer nýr bátur í smíði á næstunni. Auk þess hefur verið hafin vinnsla á Bakkafirði og eignaðist fyrirtækið hlut í Iceland Seafood við söluna á spænska félaginu Elba.

GPG Seafood á Húsavík undirritaði nýverið samning við Víkingbáta ehf. um smíði á nýjum línubáti, en GPG Seafood missti bátinn Lágey ÞH-225 þegar hann strandaði í Þistilfirði í nóvember. Áætlað er að nýr línubátur verði afhentur á næsta ári og mun hann verða 13,25 metrar að lengd, 5,5 metrar að breidd og vega 29,9 brúttótonn.

„Við erum fyrst og fremst að líta til meiri veiðigetu og betri aflameðferðar. [...] svo erum við að reka þrjár vinnslur og erum með þessu að auka hráefnisöryggi,“ segir Páll Kristjánsson, framkvæmdastjóri GPG Seafood, spurður um nýsmíðina.

Hann segir einnig hafa verið litið til þeirra breytinga sem hafa verið gerðar í krókaaflamarkskerfinu, en í desember var samþykkt á Alþingi að samræma lög um áhafnir skipa og breytt stærðarmörk báta í kerfinu. Þá verður jafnframt mun betri aðbúnaður fyrir áhöfnina um borð í nýja bátnum, að sögn Páls sem segir bátinn líklega verða gerðan út frá Raufarhöfn.

Fáir róðrardagar í vetur

Páll segir undanfarna mánuði hafa verið erfiða fyrir fyrirtæki sem gera út innan krókaaflamarkskerfisins sökum veðurs. „Þetta hefur verið mjög þungt síðan hér kom vont veður í kringum 9. desember og hefur bara haldist síðan. Það hefur verið erfitt að veiða og meira og minna hundleiðinlegt. Þeir eru teljandi á fingrum annarrar handar róðrardagarnir á litlum bátum síðustu mánuði hér fyrir norðan. Lélegt í janúar og febrúar örlítið skárri. En þá kom loðna hérna og það stoppar línuveiðina að miklu leyti.“

Spurður hvort vonir séu bundnar við að veðurfarið fari að batna svarar Páll: „Við höfum verið að vona það lengi og vonum enn. [...] Við horfum löngunaraugum á næstu daga. Það á að vera eitthvað skárra veður þá. Þetta er að verða versti vetur til fjölda ára.“ Hann segir hins vegar nóvember hafa verið mjög góðan mánuð.

Starfsemin í gang á Bakkafirði

GPG hefur undanfarin ár verið með starfsemi á þremur stöðum á landinu, en í desember bættist við nýr staður þegar fyrirtækið festi kaup á Halldóri fiskvinnslu á Bakkafirði. Það var fyrst í síðasta mánuði að vinnsla hófst þar á nýjan leik eftir að breytingar voru gerðar í vinnsluhúsinu. „Það hefur hefðbundið verið þannig að engin vinnsla er í gangi í desember, janúar og hálfan febrúar. Við héldum því óbreyttu. Við byrjuðum að vinna fisk um miðjan febrúar. Við vorum með fólk í vinnu í janúar að koma inn vélum og gera bát kláran á veiðar,“ útskýrir Páll.

„Við erum byrjuð að vinna fisk á Bakkafirði. Vinnslan er lítil og við breyttum aðeins. Það var verið að fletja fisk en nú erum við að flaka fisk þarna,“ segir Páll og bætir við að markmiðið sé að samhæfa nýtingu starfsstöðvanna til þess að auka framleiðslugetu fyrirtækisins á öllum stöðum frá því sem verið hefur.

Hann segir jafnframt ákveðna sérstöðu vera á Bakkafirði þar sem um er að ræða eina af stærstu strandveiðihöfnum landsins. „Þarna eru ein bestu handfæramið landsins.“

Keppt við ferðaþjónustu um sumarstarfsmenn

Spurður hvort það stefni í vertíðarvinnu vegna strandveiðanna segir hann svo ekki vera. „Við stoppum alltaf í allt að fimm eða sex vikur yfir sumartímann fyrir viðhald og vegna sumarleyfa starfsmanna. Það hefur verið heldur lítil aðsókn krakka í þessi störf,“ svarar framkvæmdastjórinn. Í fyrrasumar fengust fleiri ungmenni til starfa hjá GPG við fiskvinnslu heldur en undanfarin ár, að sögn Páls. Þá hafi það tíðkast að ungmenni hafi frekar leitað í sumarvinnu í ferðaþjónustunni.

Þessi grein birtist
í Morgunblaðinu
Áskrifendur:
Þessi grein birtist
í Morgunblaðinu
Áskrifendur:
Fleira áhugavert
Afurð Dags. Meðalverð
Þorskur, óslægður 27.3.24 401,29 kr/kg
Þorskur, slægður 27.3.24 443,15 kr/kg
Ýsa, óslægð 27.3.24 182,08 kr/kg
Ýsa, slægð 27.3.24 136,03 kr/kg
Ufsi, óslægður 27.3.24 107,02 kr/kg
Ufsi, slægður 27.3.24 189,28 kr/kg
Gullkarfi 27.3.24 143,21 kr/kg
Litli karfi 27.3.24 8,00 kr/kg
Blálanga, óslægð 11.3.24 50,00 kr/kg
Blálanga, slægð 27.3.24 120,00 kr/kg

Fleiri tegundir »

28.3.24 Kaldbakur EA 1 Botnvarpa
Karfi 91.675 kg
Ufsi 10.767 kg
Þorskur 692 kg
Langa 300 kg
Samtals 103.434 kg
27.3.24 Herdís SH 173 Handfæri
Þorskur 708 kg
Samtals 708 kg
27.3.24 Hrefna ÍS 267 Landbeitt lína
Steinbítur 10.108 kg
Þorskur 718 kg
Ýsa 71 kg
Samtals 10.897 kg
27.3.24 Petra ÓF 88 Grásleppunet
Grásleppa 1.233 kg
Þorskur 118 kg
Skarkoli 6 kg
Rauðmagi 4 kg
Þykkvalúra 3 kg
Ufsi 2 kg
Samtals 1.366 kg

Skoða allar landanir »

Fleira áhugavert
Afurð Dags. Meðalverð
Þorskur, óslægður 27.3.24 401,29 kr/kg
Þorskur, slægður 27.3.24 443,15 kr/kg
Ýsa, óslægð 27.3.24 182,08 kr/kg
Ýsa, slægð 27.3.24 136,03 kr/kg
Ufsi, óslægður 27.3.24 107,02 kr/kg
Ufsi, slægður 27.3.24 189,28 kr/kg
Gullkarfi 27.3.24 143,21 kr/kg
Litli karfi 27.3.24 8,00 kr/kg
Blálanga, óslægð 11.3.24 50,00 kr/kg
Blálanga, slægð 27.3.24 120,00 kr/kg

Fleiri tegundir »

28.3.24 Kaldbakur EA 1 Botnvarpa
Karfi 91.675 kg
Ufsi 10.767 kg
Þorskur 692 kg
Langa 300 kg
Samtals 103.434 kg
27.3.24 Herdís SH 173 Handfæri
Þorskur 708 kg
Samtals 708 kg
27.3.24 Hrefna ÍS 267 Landbeitt lína
Steinbítur 10.108 kg
Þorskur 718 kg
Ýsa 71 kg
Samtals 10.897 kg
27.3.24 Petra ÓF 88 Grásleppunet
Grásleppa 1.233 kg
Þorskur 118 kg
Skarkoli 6 kg
Rauðmagi 4 kg
Þykkvalúra 3 kg
Ufsi 2 kg
Samtals 1.366 kg

Skoða allar landanir »