Á leið til Fáskrúðsfjarðar með fullfermi

Ljósafell, togari Loðnuvinnslunnar, er nú á leið til Fáskrúðsfjarðar með fullfermi. Ekki var mokveiði á miðunum en ágæt engu að síður, segir Kristján Gunnarsson skipstjóri í samtali við 200 mílur. Hann segir aflann blandaðan og er uppistaða hans Þorskur, karfi og ýsa.

„Þetta er nálægt hundrað tonnum með hrognum, lifur og öllu,“ segir Kristján. Þá hefur túrinn verið allt í lagi veðurfarslega séð, að sögn skipstjórans sem segir veiðina hafa hafist fyrir sunnan en að það þurfti að flýja undan suðvestanáttina norður á Halamið.

„Við erum að sigla norður fyrir land, þá þurfum við ekki að vera með álagsvindinn,“ útskýrir Kristján. Landað verður á Fáskrúðsfirði og er áætlað að Ljósafellið verði komið þangað í nótt.

• Blogga um frétt