Gitte Henning með stóran kolmunnafarm

Færeyska skipið Gitte Henning var væntanlegt til Fáskrúðsfjarðar í gærkvöldi með um 3.200 tonn af kolmunna.

Friðrik Mar Guðmundsson, framkvæmdastjóri Loðnuvinnslunnar á Fáskrúðsfirði, segir að fyrirtækið hafi lengi átt í góðum samskiptum við færeysku útgerðina í Götu. Skip frá fyrirtækinu hafi oft landað á Fáskrúðsfirði og nefnir Friðrik skipin Þránd í Götu, Finn fríða og Júpíter.

Hoffellið SU lauk kolmunnaveiðum í bili er skipið kom til heimahafnar á laugardag. Skipið náði þremur túrum á miðin suðvestur af Írlandi þátt fyrir nánast stöðuga ótíð frá því að vertíðin hófst í janúar. Friðrik segir að íslensku skipin hefji væntanlega kolmunnaveiðar aftur um 10. apríl og þá suður af Færeyjum.