Fögnuðu komu Finns fríða

Færeyska skipið Finnur Fríði kom til Fáskrúðsfjarðar í gær með tæp 2.200 tonn af kolmunna sem skipið fékk við Írland og kláraði síðan túrinn við Færeyjar. „Það var mjög gott að fá þetta,“ segir Friðrik Mar Guðmundsson, framkvæmdastjóri Loðnuvinnslunnar, í samtali við 200 mílur um aflann.

Friðrik Mar segir þetta hafi verið síðasti kolmunnatúrinn sem farinn er í írsku lögsöguna og er nú beðið þar til að veiðar geti hafist við Færeyjar í kringum 10. apríl. Var áfanganum fagnað og tekið vel ámóti áhöfninni á Finni fríða þegar hann kom til hafnar í gær.

Haldið var upp á komu skipsins með glæsilegri köku. Ljósmynd/Loðnuvinnslan

• Blogga um frétt