Fín veiði á Selvogsbanka

Farsæll SH 30 og Sigurborg SH 12 komu til hafnar í Grundarfirði eftir ágæta veiði að Selvogsbanka. Farsæll var með tæp 27 tonn þar af var megnið þorskur og eitthvað af ufsa. Afli Sigurborgar nam 80 tonnum og var uppistaðan þorskur og ufsi, en fylgdi smá af ýsu og karfa, að því er segir á vef Fisk seafood.

„Veiðiferðin tók fjóra sólarhringa og við vorum þrjá sólarhringa á veiðum, vorum á Selvogsbanka þar til veðrið versnaði og enduðum svo á Bervík þar var fínt veður.  Fín veiði var á Selvogsbanka,“ er haft eftir Guðmundi Kristjáni Snorrasyni, skipstjóra Farsæls.

• Blogga um frétt