Guðni leggur ekki árar í bát
Setja bókamerki
Tengdar fréttir
Kórónuveiran Covid-19
Það hafa margir nú tekið með sér vinnuna heim vegna ráðstafana til þess að sporna við útbreiðslu kórónuveirunnar, en þetta hefur verið takmörkunum háð í tilfelli margra greina sem þurfa að vera í réttri aðstöðu til þess að sinna vinnu sinni. Hafa til að mynda tveir netamenn Bergs-Hugins í Vestmannaeyjum skipst á um að mæta til vinnu í um hálfan mánuð til þess að koma í veg fyrir vinnustöðvun vegna kórónuveirunnar.
Breyting hefur þó orðið á þessu og lét Guðni Hjörleifsson, annar netamannanna, ekki aðstöðuleysi stöðva sig og hefur gripið til þess ráðs að breyta bílskúrnum í netaverkstæði og starfar nú heima, að því er fram kemur á vef Síldarvinnslunnar.
Nennir ekki að sitja auðum höndum
„Jú, það er rétt, bílskúrinn er orðinn að netaverkstæði. Þannig er að síðastliðinn þriðjudag fór konan mín, Rósa Sveinsdóttir, í sýnatöku vegna þess að vinnufélagi hennar greindist með veiruna. Rétt þótti að ég færi einnig í sýnatöku og erum við lokuð af þar til niðurstaða berst. Ég hef að undanförnu einungis unnið annan hvern dag á netaverkstæði Bergs-Hugins og mér leist ekkert á að þurfa að hætta alfarið að vinna ef við til dæmis þyrftum að fara í langvarandi sóttkví,“ er haft eftir Guðna.
„Ég nenni bara alls ekki að sitja auðum höndum og þess vegna datt mér í hug að best væri að fá verkefni af netaverkstæðinu heim. Ég útbjó bílskúrinn og vinnufélagi minn færði mér síðan efni og verkfæri – hann skildi þetta eftir hérna fyrir framan húsið. Núna vinn ég í bílskúrnum við það að setja upp nýjan poka fyrir Vestmannaey VE og nú leiðist mér alls ekki. Og það sem meira er að nú get ég unnið hvern dag en ekki einungis annan hvern eins og á verkstæðinu. Þetta sýnir að það geta margir tekið vinnuna með sér heim. Það er allavega ekki einungis skrifstofufólk sem vinnur við tölvur sem á kost á slíku,“ segir Guðni.
Tengdar fréttir
Kórónuveiran Covid-19
Stöndum saman
Við hjá Árvakri viljum vekja athygli á því sem vel er gert á þessum erfiðu tímum. Ef þú ert með góða sögu af fyrirtækjum og einstaklingum sem eru að gera gott, sendu okkur ábendingu á netfangið stondumsaman@mbl.is.
Eyjafjarðarbraut lokað vegna alvarlegs umferðarslyss
Vona að Orkustofnun veiti ekki virkjunarleyfi
Shakespeare fannst í skókassa
Kostnaður meiri en milljón á fermetra
Skiptir miklu meira máli en fólk grunar
„Hvílir mikil leynd yfir þessu öllu“
„Það þarf að vinna mikinn fjölda upp“
Handteknir eftir myndatöku í Vesturbæjarlaug