Mjög góð grásleppuveiði hefur verið hjá áhöfninni á Aþenu ÞH þegar veður leyfir, segir Stefán Guðmundsson, sem gerir bátinn út, í samtali við 200 mílur. En Aþena kom til hafnar á dögunum með um 6,25 tonn af grásleppu sem fékkst í 13 sex neta trossur. Þá var landað 3,3 tonnum á miðvikudag og 2,5 tonnum í dag.

„Maður hefur nú sjaldan lent í öðru eins tíðarfari og búið er að vera hjá okkur frá því að við lögðum 19. mars. Það er búið að vera í einu orði sagt glórulaust. En maður hefur verið að reyna að gera það sem hægt er,“ segir Stefán.

Frétt af mbl.is

Glæðist á grásleppunni

Um veiðarnar segir hann: „Það hefur gengið vel þegar hægt er að sinna þessu og það er búið að vera þannig síðustu tíu til fimmtán ár að fyrstu tvær vikurnar eru skarpastar. Og svo hefur dregið aðeins úr þessu, en vonandi er þetta eitthvað sem endist lengur og fleiri geta notið. Það eru fleiri bátar tilbúnir að fara frá Húsavík, en menn hafa verið að bíða eftir heppilegri veðurskilyrðum.“

Aþena ÞH kemur með fullfermi af grásleppuveiðum á þriðjudag. mbl.is/Hafþór Hreiðarsson

Tengdar fréttir

Smábátaveiðar

Ánægður með nýja Sigrúnu Björk ÞH

• Lokun Skápsins tvímælalaust að skila sér
• „Leggjum línuna hvenær sem veður leyfir“
• Náðu 10 tonnum í mokveiði
• Fordæma vinnubrögð og mótmæla tillögum

» Fleiri tengdar fréttir

Grásleppuveiðar

Fjölga veiðidögum á grásleppu í 40

• Ráðgjöf í grálseppu lækkar um 9% milli ára
• Verð á grásleppu hækkar á ný
• Verðhrun á mörkuðum veldur áhyggjum
• Sigurður landaði fyrstu grásleppunni á Húsavík

» Fleiri tengdar fréttir

• Blogga um frétt