„Kolmunnaskipin sem lágu í Norðfjarðarhöfn héldu til veiða í gær þegar niðurstöður skimunar áhafna þeirra fyrir Covid 19 lágu fyrir. Niðurstöðurnar voru neikvæðar í öllum tilvikum og því ekkert því til fyrirstöðu að láta úr höfn,“ segir á vef Síldarvinnslunnar. Það voru 20 sjómenn sem fóru í skimun á laugardag.

Frétt af mbl.is

Áhafnir bíða eftir niðurstöðum úr skimun

Þá segir að skipin muni hefja veiðar á gráa svæðinu suður af Færeyjum en þangað eru um 350 mílur frá Neskaupstað. Í dag höfðu engar fréttir borist um kolmunnaveiði á gráa svæðinu.

Gullver NS landaði 104 tonnum af blönduðum afla á Seyðisfirði í þriðjudagsmorgun og hélt hann á ný til veiða um klukkan átta í kvöld og verður á miðunum yfir páskahátíðina.

Skip Bergs-Hugins í Vestmannaeyjum, Bergey VE og Vestmannaey VE, verða í landi yfir páskana. Bergey landaði í Eyjum þriðjudagskvöld og Vestmannaey er að landa í dag. Ráðgert er að bæði skipin haldi til veiða á annan í páskum.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt