Mikið líf hefur verið í Flensborgarhöfn og við Óseyrarbryggju síðustu daga og vikur, en landburður hefur verið af fiski hjá smábátunum, að því er fram kemur í færslu á vef Hafnarfjarðarhafnar.

Þar segir að nokkrir kvótabátar hafa lagt upp í Hafnarfirði í vetur og aflabrögðin hafa verið sérlega góð að undanförnu. Þá er mikið um stóran þorsk og stutt á miðin enda hafa margir ekki farið lengra en rétt út fyrir Helgasker og náð að fylla öll kör á skömmum tíma.

„Það er trúlega fullt af vænum þorski hérna vel innan við hafnarmynnið,“ er haft eftir sjómanni sem var að landa í gærmorgun. Bent er á að körin hafi verið fyllt af þorski af stærstu gerð og að veiðin hafi gengið vel. Jafnframt hafa aflabrögð grásleppusjómanna verið bærileg.

„Óvenjugóð tíð hefur verið síðustu daga eftir leiðindabrælu lengst af  í vetur og óhætt að segja að strandveiðsjómenn bíði í ofvæni eftir að geta sótt í þann gula strax eftir mánaðamótin,“ segir í færslunni.

Tengdar fréttir

Smábátaveiðar

Ánægður með nýja Sigrúnu Björk ÞH

• Lokun Skápsins tvímælalaust að skila sér
• „Leggjum línuna hvenær sem veður leyfir“
• Náðu 10 tonnum í mokveiði
• Fordæma vinnubrögð og mótmæla tillögum

» Fleiri tengdar fréttir

• Blogga um frétt