Lokanir hafa áhrif á veigamikla útflutningsvöru
Setja bókamerki
Kórónuveirufaraldurinn hefur gert það að verkum að veitingastaðir, kaffihús og aðrir samkomustaðir sem bjóða veitingar í Evrópu hafa þurft að loka og eru þeir stærstu kaupendur ferskra sjávarafurða frá Íslandi, en utflutningsverðmæti ferskra afurða hefur vaxið mjög á undanförnum árum.
Ferskar afurðir hafa í gegnum árin orðið stærri hluti af útflutningi íslenskra sjávarafurða og er bent á að heildarútflutningsverðmæti ferskra afurða nam 60,3 milljörðum króna árið 2018. Þar af stóð ferskur þorskur fyrir 39,4 milljörðum króna eða 65% af útflutningi ferskra afurða, að því er fram kemur í nýrri hagsjá Landsbankans.
„Vægi fersks þorsks frá landinu hefur vaxið á síðustu árum og má líklegast rekja það að mestu leyti til þess að afurðaverð á hvert kílógramm er hærra en t.d. af frystum eða söltuðum afurðum. Árið 2011 var vægi fersks þorsks um 18,5% af heildarmagni af útfluttum þorski. Næstu ár jókst þetta hlutfall og fór yfir 30% í fyrsta skiptið árið 2018 en það ár mældist hlutfallið 30,5%. Þessi þróun var aðallega á kostnað saltaðra afurða en á milli þessara ára fór vægi saltaðra afurða úr 28,9% niður í 18,5%.“
Frakkland stærsti markaðurinn
Frakkland er stærsti markaðurinn fyrir ferskan þorsk frá Íslandi og myndaðist 43%, eða 17,2 milljarðar króna, af heildarútflutningstekjum af ferskum þorski við sölu þangað árið 2018. Þá mynduðust næstmesta útflutningsverðmætið við útflutning til Bandaríkjanna en þau námu 7,9 milljarða króna eða 20% af heildarverðmætinu. Þar á eftir kom Belgía með 4,2 milljarða eða tæplega 11%.
Fram kemur að 77% af ferskum þorski hafi farið til Evrópu „og því hefur lokun veitingastaða í Evrópu komið hart niður á útflutningi á ferskum þorski.“
Kaupendur á ferskum þorski í Bretlandi greiddu að meðaltali 591 krónu á kíló á tímabilinu 2016 til 2018 en þrír stærstu markaðir afurðarinnar í Evrópu greiddu á bilinu 1.068 krónur til 1.281 krónu á tímabilinu. „Ástæðan fyrir þessu liggur að hluta til í því að hluti af fisknum er áframsendur frá Bretlandi til meginlands Evrópu og er þá að einhverju leyti búið að vinna fiskinn frekar.“
Unnu að fullum heillindum að kaupum á TM
Segjast ekki vera á kaldri slóð
Mikilvægt að vera á tánum
Almannavarnir auka viðbúnað
Sama stefna í gildi í útlendingamálum
Á annað hundrað símtala vegna nikótínvara
Mun fara sparlega með málskotsréttinn