Óhætt er að segja að kórónuveirufaraldurinn hafi haft veruleg áhrif á ýmsar stoðir íslensks efnahagslífs og sýna nýjustu tölur verulegan samdrátt í útflutningi sjávarfurða undanfarnar vikur. Frá viku 13 til viku 17 var útflutningur 6 milljörðum minni en á sama tímabili í fyrra samkvæmt tilraunatölfræði Hagstofu Íslands.

Í fréttabréfi Samtaka fyrirtækja í sjávarútvegi er bent á að útflutningur sjávarafurða nam 19 milljörðum króna króna á þessu tímabili en var 25 milljarðar ífyrra. Samdrátturinn er því 26%, hann er 36% sé tekið tillit til gengisáhrifa.

„Líkt og ofangreindar tölur benda til, þá hefur sjávarútvegur ekki farið varhluta af þeim aðstæðum sem upp hafa komið vegna COVID-19. Skipulagið sem sjávarútvegur býr við kemur þó í veg fyrir að verr fari, því það flýtir fyrir aðlögun hans vegna breyttra aðstæðna,“ segir í fréttabréfinu.

Áhrif kórónuveirunnar á útflutning sjávarafurða. Mynd/Samtök fyrirtækja í sjávarútvegi

Áhrifin fyrst undir lok mars

Útflutningsverðmæti sjávarafurða á fyrsta ársfjórðungi nam 63 milljörðum króna og er það svipuð verðmæti og á sama tímabili í fyrra, en ef gengisáhrif eru frátalin mælist 4% samdráttur milli ára. „Það er fyrst og fremst samdráttur í útfluttu magni sem skýrir þetta og má að einhverju leyti rekja það til slæms tíðarfars í upphafi árs. Ætla má að áhrifin af COVID-19 séu jafnframt nokkur, en þeirra byrjaði þó ekki að gæta fyrr en langt var liðið á mars.“

Þá hrósa samtökin framtakssemi Hagstofunnar við að koma á útgáfu gagna með örari hætti en hefur verið gert hingað til og er talið að betra sé að fylgjast með áhrifum faraldursins með vikuleg útgáfa talnagagna. „Strax á fimmtudaginn kemur mun Hagstofan birta bráðabirgðatölur um vöruskipti í apríl og hugsanlega tilraunatölfræði fyrir viku 18. Ör birting talna og gagna mun koma sér vel og hjálpa til við að móta viðbrögð við því ástandi sem uppi er.“

Frétt af mbl.is

Hafa beðið um tíðari upplýsingar um vöruviðskipti

Tengdar fréttir

Samdráttur í sjávarútvegi

Hagræðing í skipastól Síldarvinnslunnar

• Uppsagnir þungt högg fyrir samfélagið
• „Þarna eru mörg störf sem eru að tapast“
• 32 sagt upp störfum í Stykkishólmi
• Gagnrýni LS á starfsháttum Hafró vísað á bug

» Fleiri tengdar fréttir

Kórónukreppan

Áfangaheimilinu lokað ef ekki er gripið inn í

• „Þetta er allt saman á fleygiferð“
• Of harðar aðgerðir í faraldrinum
• Sjá fram á minna atvinnuleysi
• „Það er best að hafa samræmi í þessu“

» Fleiri tengdar fréttir

• Blogga um frétt