Skipulagsstofnun hefur fallist á umleitan Stofnfisks um stækkun fiskeldis við Vogavík með skilyrðum sem til sendur að fjalla um í frummatsskýrslu.

Stofnfiskur óskaði eftir því að stækka fiskeldið í allt að 450 tonna framleiðslu, en núverandi afkastageta fyrirtækisins er 300 tonn. Meginhluti framleiðslunnar er laxahrogn en einnig laxa- og hrognkelsaseiði.

Í umsögn Skipulagsstofnunar kemur fram að leitað hafi verið umsagna hjá Sveitarfélaginu Vogum, Fiskistofu, Heilbrigðiseftirliti Suðurnesja, Matvælastofnun, Minjastofnun Íslands, Náttúrufræðistofu Íslands, Orkustofnun og Umhverfisstofnun.

Í umsögninni kemur m.a. fram að þörf sé á að tryggja uppsprettu ferskvatns til vinnslunnar ef af stækkun verði.

Þá þurfi að meta ólík áhrif útfærsla á frárennsliskerfi frá vinnslunni auk þess sem Náttúrufræðistofnun Íslands og Umverfisstofnun benda á að stækkunin nái til 0,25 ha svæðis á nútímahrauni sem njóti sérstakrar verndar. Fjalla þurfi um áhrif framkvæmdarinnar á jarðmyndanir umhverfis vinnsluna.

vidar@mbl.is

Tengdar fréttir

Fiskeldi

Fjárfestingin 115 milljarðar króna

• Bátur Arnarlax verður fyrsti sinnar tegundar
• Lagareldismálið fyrst á dagskrá
• Gera niðurstöður umhverfisvaktana aðgengilegar
• Gagnrýna aðferðir við áhættumat

» Fleiri tengdar fréttir