Aukning í útflutningsverðmætum sjávarafurða í viku 19 í krónum talið er talin „dágóð“ miðað við stöðuna í sömu viku í fyrra, í fréttabréfi Samtaka fyrirtækja í sjávarútvegi. Þar segir að útflutningsverðmæti sjávarafurða nam tæplega 5,4 milljörðum króna í síðustu viku. Sömu viku í fyrra var verðmæti útfluttra sjávarafurða 4,6 milljarðar og er aukningin því rúmlega 17%.

Hins vegar er bent á að aukninguna megi nánast alla rekja til lægra gengis krónunnar og var gengið 14% lægra í síðustu viku en það var í sömu viku í fyrra. „Útflutningsverðmæti sjávarafurða er þar með nánast á pari í viku 19 samanborið við sömu viku í fyrra, mælt í erlendri mynt; aukningin er rétt rúmlega 1%.“

Útflutningsverðmæti sjávarafurða á fyrstu 19 vikum ársins nemur 86,3 milljörðum króna en voru 91 milljarður á sama tímabili í fyrra. „Jafngildir það samdrætti upp á rúm 5% í krónum talið en rúmum 11% í erlendri mynt. Þar af er samdrátturinn frá viku 13 til viku 19 á milli ára rúm 20% í erlendri mynt, en það er tímabilið sem áhrifa COVID-19 gætir á útflutning.“

Tengdar fréttir

Samdráttur í sjávarútvegi

Hagræðing í skipastól Síldarvinnslunnar

• Uppsagnir þungt högg fyrir samfélagið
• „Þarna eru mörg störf sem eru að tapast“
• 32 sagt upp störfum í Stykkishólmi
• Gagnrýni LS á starfsháttum Hafró vísað á bug

» Fleiri tengdar fréttir

Kórónukreppan

Áfangaheimilinu lokað ef ekki er gripið inn í

• „Þetta er allt saman á fleygiferð“
• Of harðar aðgerðir í faraldrinum
• Sjá fram á minna atvinnuleysi
• „Það er best að hafa samræmi í þessu“

» Fleiri tengdar fréttir

• Blogga um frétt