„Það kann að vera að ástæða sé til þess að endurskoða ákvæði um hreinsibúnað,“ segir í svari Umhverfisstofnunar vegna fyrirspurnar 200 mílna um notkun útblásturshreinsunarkerfa skipa með opna hringrás sem dæla úrgangi kerfanna í hafið.

Tilefni fyrirspurnarinnar var skýrsla rannsóknarnefndar samgönguslysa um atvik í höfninni í Vestmannaeyjum þar sem nefndin beindi því til yfirvalda að skoða hvort ekki sé ástæða til að banna opinn vothreinsibúnað við strendur landsins.

Frétt af mbl.is

Tilmæli vegna sótmengunar

Í september í fyrra hafði hreinsunarbúnaður um borð í Lagarfossi, skipi Eimskips, verið í notkun þegar skipið fór frá bryggju með þeim afleiðingum að sjóblandað sót sem inniheldur brennisteinsagnir skolaðist í höfnina.

Fram kemur í skýrslunni um atvikið að þessi búnaður hafi víða verið bannaður af umhverfissjónarmiðum og þurfi skip því að skipta yfir í vistvænna eldsneyti áður en siglt er til þessara staða.

„Það er á ábyrgð Alþingis að setja lög og ráðherra að setja reglugerðir til að framfylgja þeim. Báðir þessir aðilar hafa það í hendi sér að leggja til strangari reglur hvað varðar losun vegna brennslu á skipaeldsneyti. Besta leiðin í þessu væri þá að gera það í alþjóðasamstarfi og byggt á áhættumati,“ segir í svari Umhverfisstofnunar.

Frétt af mbl.is

Skip með mengandi hreinsunarbúnað skráð erlendis

Tengdar fréttir

Loftslagsvá

„Þeir hafa ekki alveg verið að standa við sitt“

• Stórt svæði orðið eldi að bráð
• Thunberg: „Aðeins byrjunin“
• Svissneska ríkið sakfellt í loftslagsmáli
• Hitamet slegið í Austurríki

» Fleiri tengdar fréttir

• Blogga um frétt