Leit að sjómanninum hófst á ný í morgun

Leit að sjómanninum sem talinn er hafa fallið fyrir borð á fiskiskipi í Vopnafirði hófst að nýju í morgun samkvæmt áætlun, að því er fram kemur í frétttilkynningu frá lögreglunni á Austurlandi.

Þar segir að „leitað verður í dag og stefnt að því að fara þá tvisvar yfir leitarsvæðið. Notast verður við slöngubát meðal annars og sjóþotur auk þess sem fjörur verða gengnar. Björgunarsveitin Vopni og slysavarnafélagið Sjöfn sinna leit“.

Talsverður fjöldi björgunarsveitarmanna hefur leitað sjómannsins undanfarna daga og en um 140 tóku þátt í leitinni í gær.

Frétt af mbl.is

140 leita skipverja í Vopnafirði

Í gær voru björgunarbátar og -skip notuð til leitar, drónar og flugvél Landhelgisgæslunnar auk neðansjávardróna. Fjörur voru gengnar beggja vegna fjarðarins og svæði tvíleituð. Allur fjörðurinn innan tanga var fínkembdur á sjó og landi. Auk þess var leitað svæði sem markast af Selnibbu að norðan og Flös í Kollumúla að sunnan.

Lögreglu var tilkynnt klukkan tvö á mánudag að sjómannsins væri saknað.

Frétt af mbl.is

Leita skipverja af fiskiskipi

• Blogga um frétt