25% minni afli í byrjun árs

Heildarafli íslenskra skipa var rúm 178 þúsund tonn á fyrsta ársfjórðungi 2020 sem er 25% minni afli en á sama tímabili árið 2019. Aflasamdráttur varð í nær öllum fisktegundum, að því er fram kemur á vef Hagstofu Íslands.

Þar segir að aflaverðmæti fyrstu sölu hafi verið tæpir 34,2 milljarðar króna á fyrsta ársfjórðungi 2020 sem er samdráttur um 5,6% miðað við sama tímabil 2019.

Verðmæti botnfisktegunda nam um 31,5 milljörðum á fyrsta ársfjórðungi og stendur í stað á milli ára þrátt fyrir 9% samdrátt í aflamagni. sem bendir til þess að verð hafi hækkað milli ára. Um 4% minna var landað af þorski en verðmæti hanns hækkaði um 6%. Sömu sögu er að segja um karfa, en aflinn var 5% meiri en verðmætið jókst um 17%.

Frétt af mbl.is

Verð sjávarafurða í sögulegu hámarki

• Blogga um frétt