„Besti grálúðutúr Blængs frá upphafi“

„Við vorum að veiðum á Hampiðjutorginu og í Víkurálnum allan túrinn,“ er haft eftir Bjarna Ólafi Hjálmarssyni, skipstjóra á Blængi á vef Síladrvinnslunnar. Þar segir að frystitogarinn Blængur NK hafi kom iðtil Neskaupstaðar í gær með fullar lestar eftir 35 daga túr.

Aflinn var 570 tonn og nemur verðmæti hanns á milli 280 og 290 milljónum króna. Uppistaða aflans var grálúða auk var nokkuð af ufsa og djúpkarfa.

„Grálúðan fékkst á Hampiðjutorginu en það er við miðlínuna á milli Íslands og Grænlands. Þarna er veitt á miklu dýpi eða frá 350 til 600 föðmum. Það er hvergi veitt á meira dýpi hér við land. Þetta er besti grálúðutúr Blængs frá upphafi og má segja að túrinn hafi gengið vel allan tímann. Við vorum heppnir með veður en ekki er óalgengt að veður séu slæm á Hampiðjutorginu,“ segir Bjarni Ólafur.

 Þá segir að Blængur mun halda til veiða á mánudag og að stefnan verður sett á Barentshafið. Áætlað er að túrinn verði 40 dagar.

• Blogga um frétt