Birt hefur verið frummatsskýrsla vegna áforma Laxa fiskeldis ehf. um að auka framleiðslu landeldis fyrirtækisins í Þorlákshöfn úr 500 tonnum af laxaseiðum í 2.500 tonn af laxi og laxaseiðum, að því er segir á vef Skipulagsstofnunar.

Þar segir að áhrif á vatnsgæði og líf í vatni séu óveruleg, bein og afturkræf þar sem „frárennsli er beint í opið Atlantshaf þar sem öldurót er mikið og straumar gríðarlega sterkir. Af þeim ástæðum er ólíklegt að fóðurleifar safnist upp í viðtaka og hafi áhrif á vatnsgæði viðtakans eða líf í vatni.“

Jafnframt er bent á að hægt sé að koma í veg fyrir áhrif á fuglalíf með réttri fóðrun og fuglanetum sem talin eru draga verulega úr ágangi fugla sem sækja í fóðurleifar og fisk í kerum.

Áður hefur verið sagt frá áformum Ísþórs ehf. um að tvöfalda seiðaframleiðslu sína í Þorlákshöfn, en það fyrirtæki er í eigu Arnarlax og Fiskeldis Austfjarða.

Frétt af mbl.is

Vilja tvöfalda eldi í Þorlákshöfn

Tengdar fréttir

Fiskeldi

Fjárfestingin 115 milljarðar króna

• Bátur Arnarlax verður fyrsti sinnar tegundar
• Lagareldismálið fyrst á dagskrá
• Gera niðurstöður umhverfisvaktana aðgengilegar
• Gagnrýna aðferðir við áhættumat

» Fleiri tengdar fréttir

• Blogga um frétt