Stórar dagvöruverslanir í Peking höfuðborg Kína, þar á meðal Carrefour og Wumart, hafa stöðvað sölu á laxi í kjölfar þess að uppgötvaðist kórónuveira á skurðbrettum heildsala í borginni og skapaðist ótti um að smit gæti borist með afurðum sem unnar hafa verið á umræddum skurðbrettum, þrátt fyrir að veirufræðingar hafi sagt að veiran geti ekki borist í menn úr fiski, að því er fram kemur í umfjöllun kínversku fréttaveitunnar Global Times.

Þar segir að blaðamenn Global Times hafi komið við í verslunum borgarinnar síðastliðinn laugardag og að þeir hafi hvergi fundið lax til sölu og að á mörgum stöðum hafði fiskborðum verið lokað.

Frétt af mbl.is

Beint flug með afurðir til Kína

Þá hafi lax verið til sölu hjá versluninni Walmart en að starfsmenn kínverska matvælaeftirlitssins í Shijingshan-héraði hafi mætt til þess að skrá lax og kjötvörur sem þar voru til sölu.

„Ég var ný búin að borða lax á sushistað,“ er haft eftir Fan Jingli, íbúa í Peking. Hún kvaðst ætla að fara í sýnatöku til þess að útiloka að hún hafi smitast af kórónuveirunni. Fram kemur að margir sushi-veitingastaðir í borginni hafi fjarlægt lax af matseðli sínum.

Kína flytur inn um það bil 80 þúsund tonn af frosnum og kældum laxi á ári hverju og vex magnið ár frá ári. Megnið af laxafurðum í Kína eru flutt inn frá Síle, Noregi, Færeyjum, Ástralíu og Kanada.

Frétt af mbl.is

Staðan í Peking „mjög alvarleg“

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• 1 blogg um fréttina

Bloggað um fréttina

• Jón Bjarnason: Kínverjar stöðva innflutning á hráum laxi af ótta við kórónusmit