Vinnslustöðin í Vestmannaeyjum mun leyfa starfsmönnum sem hafa verið erlendis að snúa aftur til vinnu sé niðurstaða skimunar við komuna til landsins neikvæð, þetta er meðal þess sem fram kemur í tilkynningu á vef fyrirtækisins. Snýr tilkynningin að ráðstöfunum sem gripið er til sökum greindra kórónuveirusmita hér á landi.

Þó verða ákveðnar reglur í gildi fyrstu dagana eftir komu. Þannig verður viðkomandi aðilum áskilið að vera í sem minnstum samskiptum við aðra á vinnustaðnum fyrstu dagana. Fimm dögum síðar er þeim gert að fara í skimun á nýjan leik á heilsugæslunni í Vestmannaeyjum. Mun Vinnslustöðin greiða fyrir þá skimun. 

Starfsfólk sem sett er í sóttkví eftir komu til landsins má ekki umgangast aðra sem vinna í Vinnslustöðinni. Þá verður áfram farið eftir sóttvarnarreglum. „Við viljum í ljósi tíðinda undanfarinna sólarhringa vera viðbúin bakslagi í baráttunni við COVID hérlendis en gerum ekki frekari ráðstafanir að sinni í fyrirtækinu. Óvissan núna er ekki ósvipuð því sem var þegar faraldurinn byrjaði hér í vetur. Við fylgjumst áfram grannt með gangi mála,“ segir Sigurgeir B. Kristgeirsson, forstjóri Vinnslustöðvarinnar. 

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt