Íris Róbertsdóttir, bæjarstjóri Vestmannaeyja, segir mikilvægt að ekki verði rof á samgöngum til Eyja og verkfall sem nú er komið upp á Herjólfi sé „grafalvarlegt mál“. 

Starfsmenn Herjólfs sem eru í Sjómannafélagi Íslands lögðu niður störf í dag og stendur vinnustöðvunin til miðnættis. Herjólfur mun ekki sigla á meðan verkfalli stendur. Frekari vinnustöðvanir eru fyrirhugaðar en engar samningaviðræður hafa átt sér stað á milli Herjólfs ohf. og Sjómannafélags Íslands. 

Íris Róbertsdóttir, bæjarstjóri Vestmannaeyja. mbl.is/Óskar Pétur Friðriksson

Segir mikilvægt að ekki verði samgöngurof

Aðspurð segir Íris að verkfallið hafi áhrif á Eyjamenn. 

„Auðvitað hörmum við það að vinnudeila verði til þess að truflanir verði á siglingum Herjólfs, án þess að ég sé að taka afstöðu til deilunnar sjálfrar. Það skiptir okkur Eyjamenn náttúrulega gríðarlega miklu máli að það verði ekki samgöngurof.“

Íris vonast til þess að deiluaðilar nái saman sem fyrst. 

„Verkfall á Herjólfi er grafalvarlegt mál fyrir samfélagið allt í Eyjum.“

Tengdar fréttir

Kjaramál sjómanna

SVG og VM samþykktu samninginn

• Segir samninganefnd vélstjóra sniðgengna
• Felur í sér styttri vinnuviku og aukið mótframlag
• Vélstjórar undirrituðu samning við SFS
• „Ekki kjörstaða að vera í“

» Fleiri tengdar fréttir

• Blogga um frétt