Cleopatra til Noregs

Norskur útgerðarmaður í Ålesund, Stein Magne Hoff, fékk á dögunum afhentan nýjan bát frá Bátasmiðjunni Trefjum ehf. í Hafnarfirði. Báturinn er af gerðinnni Cleopatra 42 og er útbúinn til línuveiða.

Tveir verða í áhöfn en Stein Magne er skipstjórinn. Báturinn hefur hlotið nafnið M/S Tare, hann er 12.5 metrar á lengd og mælist 18 brúttótonn. Aðalvélar bátsins eru tvær af gerðinni Yanmar. Samkvæmt tilkynningu frá Trefjum er báturinn útbúinn siglingatækjum af gerðinni Furuno og Olex.

Verður báturinn einnig notaður til sjótangveiði og kennslu í sjómannaskóla. Lífbátur og annar öryggisbúnaður kemur frá Viking. Rými er fyrir 19 stk 380 lítra kör í lest. Stór borðsalur og fullbúin eldunaraðstaða er í brúnni, svefnpláss fyrir þrjá í lúkar og um borð er salerni með sturtu.

• Blogga um frétt