Neikvæð áhrif aukinna umsvifa laxeldis í Arnarfirði felast helst í auknum áhrifum á botndýralíf, mögulegum áhrifum á villta laxa vegna aukins álags af völdum laxalúsar og mögulegum áhrifum á villta laxastofna vegna erfðablöndunar. Þetta kemur fram í áliti Skipulagsstofnunar um mat á umhverfisáhrifum á 4.000 tonna laxeldi í Arnarfirði, sem fyrirtækið Arctic Sea hefur í huga að reisa.

Skilyrðin sem Skipulagsstofnun vill að sett verði eru:

1. Skilyrði um vöktun á súrefnisstyrk við botn og styrk næringarefna í sjó og að tilhögun og nákvæmni þeirrar vöktunar sé í samræmi við það sem Hafrannsóknastofnun telur fullnægjandi til að byggja á við endurskoðun burðarþolsmats.
   
   
2.  Skilyrði um að vöktun á næringarefnum fari fram þegar styrkur þeirra er hvað mestur.
   
   
3. Skilyrði um að vöktunaráætlun liggi fyrir áður en leyfi verði veitt.
   
   
4. Skýr viðmið um ástand botndýralífs og að tilgreindar verði mótvægisaðgerðir reynist ástand ekki ásættanlegt.
   
   
5. Að ekki sé hægt að hefja eldi á ný fyrr en hafsbotn á svæðinu hefur náð ásættanlegu ástandi samkvæmt settum viðmiðum Umhverfisstofnunar, sbr. tölulið 3 hér á undan.
   
   
6. Kveða þarf á um nákvæmni mælinga í starfsleyfi.
   
   
7. Skilyrði um að rannsókn á botndýralífi á eldissvæðum liggi fyrir við útgáfu starfsleyfis.
   
   
8. Skilyrði um að ekki verði sett útseiði undir 120 g að þyngd og að stærð netmöskva verði aðlagað að stærð seiðanna svo ekki sé möguleiki á að þau sleppi.
   
   
9. Skilyrði um notkun ljósastýringar.
   
   
10. Skilyrði um fyrirkomulag vöktunar vegna laxalúsar verði í samræmi við drög að leiðbeiningum um lúsatalningu frá Matvælastofnun.
    
    
11. Tilgreind verði viðbragðsáætlun og mótvægisaðgerðir í samræmi við niðurstöður um smitálag frá eldisfiski hverju sinni og áhættu fyrir villta fiskistofna, s.s. notkun hlífðardúks, sérstaks fóðurs og neyðarslátrun ef ekki tekst að halda lúsasmiti undir viðmiðunarmörkum.
    
    
12. Skylt verði að samræma útsetningu seiða, slátrun og hvíld svæða fyrirtækja í Arnarfirði og innfjörðum hans.
    
    
13. Niðurstöður vöktunar verði opinberar.
    
    
14. Skipulagsstofnun telur nauðsynlegt að í starfsleyfi verði sett skilyrði um vöktun á fuglalífi í nágrenni við eldissvæði.

Tengdar fréttir

Fiskeldi

Fjárfestingin 115 milljarðar króna

• Bátur Arnarlax verður fyrsti sinnar tegundar
• Lagareldismálið fyrst á dagskrá
• Gera niðurstöður umhverfisvaktana aðgengilegar
• Gagnrýna aðferðir við áhættumat

» Fleiri tengdar fréttir

• Blogga um frétt