Skora á ráðherra í þriðja sinn

Örn Pálsson, framkvæmdastjóri Landssambands smábátasjómanna.
Örn Pálsson, framkvæmdastjóri Landssambands smábátasjómanna. Mbl.is/Golli

Lands­sam­band smá­báta­eig­enda (LS) hef­ur í tvígang skorað á sjávarútvegsráðherra að leiðrétta reglu­gerð um strandveiðar. „Áskor­un­in er hér með end­ur­tek­in í þriðja sinn auk þess sem kallað er eft­ir þeim heim­ild­um sem eft­ir sátu á síðasta ári. Strand­veiðimenn trúa ekki öðru en ráðherra verði við ákalli LS og komi með því í veg fyr­ir stöðvun strand­veiða í ág­úst,“ segir Örn Pálsson, framkvæmdastjóri LS, meðal annars í grein sinni í Morgunblaðinu í dag.

Örn segir að með reglugerðinni hafi ráðherra hækkað aflaviðmið til strandveiða um 720 tonn, eða um 7,2%. Í frétt á heimasíðu at­vinnu­vega- og ný­sköp­un­ar­ráðuneyt­is­ins, sem birt var í kjöl­farið, seg­ir að með því sé „komið til móts við þá miklu fjölg­un báta sem hafa stundað strand­veiðar á þessu ári“, sé það vel. Örn bendir síðan á niðurlag sömu fréttar, þar sem sé eft­ir­far­andi full­yrðing: „Ráðherra hef­ur að lög­um eng­ar frek­ari heim­ild­ir til að auka við afla­heim­ild­ir til strand­veiða á þessu fisk­veiðiári.“

„Hafi ráðherra rétt fyr­ir sér hefði hann að mínu mati átt að beita sér fyr­ir breyt­ingu á lög­um um stjórn fisk­veiða til að geta komið í veg fyr­ir þau vand­ræði sem nú eru í aug­sýn varðandi strand­veiðar, að þær verði stöðvaðar áður en tíma­bil­inu lýk­ur,“ ritar Örn og heldur áfram:

„Við breyt­ingu á reglu­gerð, þar sem rétt­ur til að færa hærra hlut­fall af óveidd­um heim­ild­um til veiða á næsta fisk­veiðiári, opnaðist tæki­færi til að auka við heim­ild­ir strand­veiðibáta. Fyr­ir­sjá­an­legt var að breyt­ing­in hefði í för með sér að minna yrði veitt af þorski á yf­ir­stand­andi fisk­veiðiári en gert var ráð fyr­ir. Auk­inn afli strand­veiðibáta mundi af þeim sök­um ekki leiða til að veitt yrði um­fram ráðgjöf á yf­ir­stand­andi fisk­veiðiári. Jafn­framt yrði aukn­ing­in nauðsyn­legt út­spil til að mæta vax­andi eft­ir­spurn eft­ir fersk­um þorski þar til nýtt fisk­veiðiár hefst 1. sept­em­ber.“

Jafna átti aðstöðu á milli svæða

Örn bendir á að markmiðið með breyt­ing­um á strand­veiðikerf­inu 2018 og aft­ur 2019 hafi verið að jafna aðstöðu milli svæða með því að all­ir fengju jafn­marga daga, afla­heim­ild­ir myndu duga í 48 daga, jafn­skipt í fjóra mánuði, maí-ág­úst. Til að tryggja það enn bet­ur hafi meiri­hluti at­vinnu­vega­nefnd­ar verið ein­huga um, árið 2019, að auka við afla­heim­ild­ir með því að ufsa­afli gæti ekki leitt til stöðvun­ar strand­veiða.

Rifjar Örn upp að árið 2019 hafi viðmiðun til strandveiða verið 11.100 tonn af óslægðum botn­fiski. Hægt hefði verið að nýta all­ar þær heim­ild­ir til að veiða þorsk þar sem 1.000 tonn­um af ufsa hafði verið bætt við botn­fisk­veiðiheim­ild­ir. „Hluti verðmæta þess­ara 1.000 tonna átti að renna til verk­efn­is­sjóðs sjáv­ar­út­vegs­ins. Þarna var búið að út­búa hvata til að nýta veiðiheim­ild­ir í ufsa, sem í mörg ár hafa brunnið inni eng­um til gagns,“ segir Örn í grein sinni.

Hann segir að þrátt fyrir fjölg­un báta hafi strand­veiðum í fyrra lokið með því að afl­inn varð nokkru und­ir út­hlutuðum veiðiheim­ild­um. Strax og það varð ljóst hafi verið ein­sýnt að það sem eft­ir sat kæmi til viðbót­ar á ár­inu 2020, sem Örn segir gild­a með aðrar út­hlutaðar afla­heim­ild­ir. Því hafi verið ástæða til bjart­sýni með strand­veiðar nú í ár, þrátt fyr­ir fyr­ir­sjá­an­lega fjölg­un sem að hluta til mátti rekja til Covid-19. Afla­heim­ild­ir yrðu næg­ar til að tryggja veiðar í 48 daga, að mati Arnar.

Setti að manni ugg

„Við birt­ingu reglu­gerðar um strand­veiðar 2020 setti þó að manni ugg. Ráðherra hafði ákveðið að skerða heim­ild­ir til strand­veiða um 1.000 tonn. Viðmiðun í þorski færð úr 11 þúsund tonn­um í 10 þúsund tonn. Þrátt fyr­ir að formaður at­vinnu­vega­nefnd­ar Alþing­is hafi bent á að skiln­ing­ur henn­ar hafi verið 11 þúsund tonn og það hafi verið það sem Alþingi samþykkti hef­ur ráðherra verið ófá­an­leg­ur til að leiðrétta reglu­gerðina,“ segir Örn Pálsson enn fremur í grein sinni í Morgunblaðinu í dag.

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Fleira áhugavert
Afurð Dags. Meðalverð
Þorskur, óslægður 18.3.24 558,73 kr/kg
Þorskur, slægður 18.3.24 503,96 kr/kg
Ýsa, óslægð 18.3.24 332,79 kr/kg
Ýsa, slægð 18.3.24 217,26 kr/kg
Ufsi, óslægður 18.3.24 221,12 kr/kg
Ufsi, slægður 18.3.24 222,80 kr/kg
Gullkarfi 18.3.24 234,41 kr/kg
Litli karfi 18.3.24 10,00 kr/kg
Blálanga, óslægð 11.3.24 50,00 kr/kg
Blálanga, slægð 18.3.24 208,37 kr/kg

Fleiri tegundir »

19.3.24 Öðlingur SU 19 Línutrekt
Þorskur 7.380 kg
Samtals 7.380 kg
18.3.24 Sunnutindur SU 95 Línutrekt
Þorskur 10.868 kg
Ýsa 818 kg
Langa 137 kg
Keila 127 kg
Steinbítur 87 kg
Ufsi 4 kg
Samtals 12.041 kg
18.3.24 Straumey EA 50 Línutrekt
Þorskur 3.803 kg
Ýsa 146 kg
Steinbítur 54 kg
Samtals 4.003 kg
18.3.24 Ás NS 78 Grásleppunet
Grásleppa 2.198 kg
Þorskur 772 kg
Skarkoli 197 kg
Samtals 3.167 kg

Skoða allar landanir »

Fleira áhugavert
Afurð Dags. Meðalverð
Þorskur, óslægður 18.3.24 558,73 kr/kg
Þorskur, slægður 18.3.24 503,96 kr/kg
Ýsa, óslægð 18.3.24 332,79 kr/kg
Ýsa, slægð 18.3.24 217,26 kr/kg
Ufsi, óslægður 18.3.24 221,12 kr/kg
Ufsi, slægður 18.3.24 222,80 kr/kg
Gullkarfi 18.3.24 234,41 kr/kg
Litli karfi 18.3.24 10,00 kr/kg
Blálanga, óslægð 11.3.24 50,00 kr/kg
Blálanga, slægð 18.3.24 208,37 kr/kg

Fleiri tegundir »

19.3.24 Öðlingur SU 19 Línutrekt
Þorskur 7.380 kg
Samtals 7.380 kg
18.3.24 Sunnutindur SU 95 Línutrekt
Þorskur 10.868 kg
Ýsa 818 kg
Langa 137 kg
Keila 127 kg
Steinbítur 87 kg
Ufsi 4 kg
Samtals 12.041 kg
18.3.24 Straumey EA 50 Línutrekt
Þorskur 3.803 kg
Ýsa 146 kg
Steinbítur 54 kg
Samtals 4.003 kg
18.3.24 Ás NS 78 Grásleppunet
Grásleppa 2.198 kg
Þorskur 772 kg
Skarkoli 197 kg
Samtals 3.167 kg

Skoða allar landanir »