Verð á laxi heldur áfram að sveiflast mikið
Setja bókamerki
Markaðsverð á eldislaxi heldur áfram að lækka og nam meðalverð 44,99 norskum krónum á kíló, jafnvirði 680 íslenskra króna, í viku 31 samkvæmt vísitölu Nasdaq. Er það lækkun um 2,53% frá vikunni á undan og 23,5% lækkun á síðastliðnum fjórum vikum. Ef litið er til lax í slátrunarstærð, þrjú til sex kíló, hefur meðalverð lækkað um 2,09% í viku 31 og 24,88% á undanförnum fjórum vikum.
Þann 9. júní sögðu 200 mílur frá því að verð hafði hækkað um 40% á fjórum vikum og er því óhætt að segja að sveiflurnar hafa verið umfangsmiklar.
Þegar þróunin er skoðuð með tillit til undanfarinna tólf vikna lækkar verð mun minna eða 7,45% að meðaltali og 9,4% ef aðeins er litið til fiska í slátrunarstærð. Fyrir tólf vikum var verð í mikilli lægð í kjölfar verðlækkana sem komu þegar lokanir vegna kórónuveirufaraldursins voru í hámarki.
Þegar takmörkunum var aflétt tók verð á mörkuðum við sér mjög hratt, en verðið tók að lækka á ný um miðjan júní þegar veitingastaðir og verslanir í Peking, höfuðborg Kína, hættu að selja lax í kjölfar þess að kórónuveira greindist á skurðbrettum hjá heildsala í borginni og hélt þróunin áfram og hefur verð ekki verið lægra síðan mánaðarmótin september október í fyrra.
„Höfum ekki náð að skríða upp úr þeirri gryfju“
„Það þarf að vinna mikinn fjölda upp“
Shakespeare fannst í skókassa
Sex hafa greinst með listeríu
Krefjast stöðvunar framkvæmda
Vélsleðaslys: Þyrlan kölluð út á mesta forgangi
Skiptir miklu meira máli en fólk grunar
Telur forsendur fyrir vaxtalækkun