Í framhaldi af þætti Samherja um Seðlabankamálið svokallaða og vinnubrögð Ríkisútvarpsins í því máli, hafa útvarpsstjóri og fréttastjóri Ríkisútvarpsins sent frá sér yfirlýsingu. Í henni er ekki tekið efnislega á meginfullyrðingunni í þætti Samherja, um að skýrslan sem Ríkisútvarpið byggði allan málarekstur sinn á, hafi aldrei verið til.

Þetta kemur fram í yfirlýsingu á vef Samherja í framhaldi af þætti sem fyrirtækið birti á Youtube-rás sinni í morgun vegna ásakana um að fyrirtækið væri að selja karfa á und­ir­verði til eig­in dótt­ur­fé­lags árið 2012.

Frétt af mbl.is

Ríkisútvarpið hafnar ásökunum

Á vef Samherja segir að yfirlýsing útvarpsstjóra og fréttastjóra RÚV sé full af stóryrðum þar sem Samherja er brigslað um annarlegar hvatir og óeðlileg vinnubrögð nú þegar fyrirtækið ber loks hönd fyrir höfuð sér eftir rangar ásakanir Ríkisútvarpsins um margra ára skeið.

Félaginu er borið á brýn að byggja á „tilhæfulausum ásökunum“ rætt er um að „stórfyrirtæki leggi í persónulega herferð gegn blaðamanni með áratuga reynslu“ í þeim „eina tilgangi að skaða mannorð fréttamanns“ og að um sé að ræða „kerfisbundna atlögu gegn fréttamiðlum,” segir enn fremur í yfirlýsingu Samherja.

Bent er á að við vinnslu Kastljóssþáttarins, sem var sýndur 27. mars 2012, hafi Samherja aldrei gefinn kostur á að bregðast við þeim upplýsingum sem þátturinn var sagður byggja á, þvert á vinnureglur Ríkisútvarpsins. Í yfirlýsingu útvarpsstjórans og fréttastjórans í dag er því haldið fram að skýrsla Verðlagsstofu skiptaverðs sé raunverulega til og skorar Samherji á RÚV að birta skýrsluna í heild sinni.

Tengdar fréttir

Samherji

Söfnuðu mottum og hálfri milljón

• Fengu allir sokka í tilefni mottumars
• Kaldbakur fékk yfirhalningu á Akureyri
• SKE rannsakar Samherja og Síldarvinnsluna
• Miklar breytingar gerðar í brú Margrétar

» Fleiri tengdar fréttir

• 1 blogg um fréttina

Bloggað um fréttina

• Jóhannes Ragnarsson: Því miður skaut hann rangan vörubifreiðarstjóra með riffli sínum