„Sekur um óheiðarleg vinnubrögð, blekkingar og svik“

Jón Óttar Ólafsson kveðst hafa ákveðið að birta leynilega upptöku …
Jón Óttar Ólafsson kveðst hafa ákveðið að birta leynilega upptöku af Helga Seljan vegna alvarlegra annmarka við vinnubrögð fjölmiðlamannsins. Ljósmynd/Sigfús Már Pétursson

„Því miður bendir margt til þess að fjölmiðlastjarna Helga Seljan hafi risið á grunni óheiðarlegra vinnubragða og jafnvel blekkinga. Það er nauðsynlegt að almenningur viti hvernig hann starfar,“ segir Jón Óttar Ólafsson, doktor í afbrotafræði og fyrrverandi rannsóknarlögreglumaður, um ástæður þess að hann hafi ákveðið að opinbera leynilegar upptökur af Helga Seljan í heimildarþætti Samherja sem birtur var á Youtube í dag.

Jón Óttar hefur starfað fyrir Samherja um tíma og hafa stjórnendur fyrirtækisins greint frá því að hann var meðal annars fenginn til þess að taka út rekstur Samherja í Namibíu árið 2016.

Fram kemur í aðsendri grein Jóns Óttars á Vísi að upptakan af Helga hafi verið gerð árið 2014 á lögmannsstofu, en þá hafði Jón Óttar verið fenginn af stjórnendum Samherja til þess að reyna að afla upplýsinga um tilurð skýrslu sem notuð var til grundvallar umfjöllunar Kastljóss árið 2012 sem átti að sýna fram á að Samherji væri að selja karfa á undirverði til eigin dótturfélags erlendis.

Var brýnt að afhjúpa

Jón Óttar kveðst vilja með greininni útskýra af hverju hann telji forsvaranlegt að birta upptöku af samtalinu við Helga. „Nú er komið í ljós að skýrslan var aldrei unnin af Verðlagsstofu skiptaverðs sem hefur staðfest það í bréfi til Samherja. […]Á upptökunni leynilegu viðurkennir Helgi Seljan að hafa ekki fengið neinn hjá Verðlagsstofu skiptaverðs til að staðfesta á sínum tíma að skýrslan hefði verið unnin af stofnuninni.“

Hann heldur áfram: „Þá viðurkennir Helgi á upptökunni að hafa átt við skýrsluna og þannig breytt henni áður en þátturinn fór í loftið. Hvers vegna gerði Helgi þetta? Hvers vegna setti hann ekki skjalið ofan í skúffu þegar hann fékk engan til að staðfesta tilurð þess og áreiðanleika? Ég hef engin svör við þessum spurningum en þessi vinnubrögð var brýnt að afhjúpa.

Það sem Helgi gerði í þætti Kastljóss 27. mars 2012 er ekki aðeins birtingarmynd á óvandvirkni heldur gerðist hann sekur um óheiðarleg vinnubrögð, blekkingar og svik. Hann lét áhorfendur Ríkissjónvarpsins halda að það skjal sem hann byggði umfjöllun sína á væri opinbert skjal frá íslenskri ríkisstofnun þegar hann vissi sjálfur innst inni að hann gat ekki vitað það með vissu.“

Hegðunarmynstur

Jón Óttar telur að ferill Helga hafi litast af sambærilegum óeðlilegum athæfum og rifjar upp umfjöllun Kastljóss árið 2007 um meint óeðlileg afskipti af því að Lucia Celeste Molina Sierra var veittur ríkisborgararéttur, en hún var tengdadóttir Jónínu Bjartmarz, þáverandi umhverfisráðherra.

Bendir hann á að Hæstiréttur hafi gert „alvarlegar“ athugasemdir við starfshætti Helga þrátt fyrir sýknu af bótakröfu. Vísar hann til orða dómstólsins máli sínu til stuðnings: „Umfjöllun stefndu um málið í Kastljósi og viðleitni þeirra til að sýna fram á að meðferð og afgreiðsla umsóknar áfrýjandans Luciu í stjórnsýslunni og hjá allsherjarnefnd Alþingis hefði verið óeðlileg, bar ofurliði vilja þeirra til að fara rétt með staðreyndir og til að leiðrétta rangfærslur og gera viðhlítandi grein fyrir lagagrundvelli málsins.“

„Þetta virðist líka hafa verið uppi á teningnum í Seðlabankamálinu. Viðleitni Helga til að sýna fram á spillingu hjá Samherja bar ofurliði vilja hans til að fara rétt með staðreyndir,“ skrifar Jón Óttar.

mbl.is

Bloggað um fréttina

Fleira áhugavert
Afurð Dags. Meðalverð
Þorskur, óslægður 18.3.24 559,44 kr/kg
Þorskur, slægður 18.3.24 503,99 kr/kg
Ýsa, óslægð 18.3.24 331,72 kr/kg
Ýsa, slægð 18.3.24 216,50 kr/kg
Ufsi, óslægður 18.3.24 220,69 kr/kg
Ufsi, slægður 18.3.24 222,80 kr/kg
Gullkarfi 18.3.24 233,55 kr/kg
Litli karfi 18.3.24 10,00 kr/kg
Blálanga, óslægð 11.3.24 50,00 kr/kg
Blálanga, slægð 18.3.24 194,27 kr/kg

Fleiri tegundir »

18.3.24 Sunnutindur SU 95 Línutrekt
Þorskur 10.868 kg
Ýsa 818 kg
Langa 137 kg
Keila 127 kg
Steinbítur 87 kg
Ufsi 4 kg
Samtals 12.041 kg
18.3.24 Straumey EA 50 Línutrekt
Þorskur 3.803 kg
Ýsa 146 kg
Steinbítur 54 kg
Samtals 4.003 kg
18.3.24 Ás NS 78 Grásleppunet
Grásleppa 2.198 kg
Þorskur 772 kg
Skarkoli 197 kg
Samtals 3.167 kg

Skoða allar landanir »

Fleira áhugavert
Afurð Dags. Meðalverð
Þorskur, óslægður 18.3.24 559,44 kr/kg
Þorskur, slægður 18.3.24 503,99 kr/kg
Ýsa, óslægð 18.3.24 331,72 kr/kg
Ýsa, slægð 18.3.24 216,50 kr/kg
Ufsi, óslægður 18.3.24 220,69 kr/kg
Ufsi, slægður 18.3.24 222,80 kr/kg
Gullkarfi 18.3.24 233,55 kr/kg
Litli karfi 18.3.24 10,00 kr/kg
Blálanga, óslægð 11.3.24 50,00 kr/kg
Blálanga, slægð 18.3.24 194,27 kr/kg

Fleiri tegundir »

18.3.24 Sunnutindur SU 95 Línutrekt
Þorskur 10.868 kg
Ýsa 818 kg
Langa 137 kg
Keila 127 kg
Steinbítur 87 kg
Ufsi 4 kg
Samtals 12.041 kg
18.3.24 Straumey EA 50 Línutrekt
Þorskur 3.803 kg
Ýsa 146 kg
Steinbítur 54 kg
Samtals 4.003 kg
18.3.24 Ás NS 78 Grásleppunet
Grásleppa 2.198 kg
Þorskur 772 kg
Skarkoli 197 kg
Samtals 3.167 kg

Skoða allar landanir »