Boðar til fundar í Herjólfsdeilunni
Setja bókamerki
Aðalsteinn Leifsson hefur boðað samninganefndir Sjómannafélags Íslands og Herjólfs ohf. á fund næstkomandi þriðjudag, 25. ágúst, klukkan tíu. Deiluaðilar vísuðu kjaradeilunni til ríkissáttasemjara í gær. Þetta staðfestir Aðalsteinn í samtali við mbl.is.
Ríkissáttasemjari var með kjaradeiluna á sínu borði fyrr í sumar og tveir fundir fóru fram á þeim vettvangi. Síðan ákváðu deiluaðilar að ræða málin án aðkomu ríkissáttasemjara og samþykktu viðræðuáætlun.
Í kjölfarið funduðu samninganefndirnar tvisvar en á síðari fundinum, sem fór fram í gær, var niðurstaðan sú að vísa kjaradeilunni aftur til ríkissáttasemjara.
„Menn eru búnir að funda í tvígang um hana [viðræðuáætlunina] og niðurstaðan er sú að menn ná ekki saman á þeim grundvelli þannig að ríkissáttasemjari þarf að koma að málum og leiða menn í gegnum þetta,“ segir Guðbjartur Ellert Jónsson, framkvæmdastjóri Herjólfs ohf., í samtali við mbl.is eftir fundinn í gær.
90 milljóna ferð austur: „Hrokinn yfirgengilegur“
50% fjölgun kærumála og aukið álag
Stórbruni í Kaupmannahöfn: Børsen í ljósum logum
Með skerta aksturshæfni og undir slævandi áhrifum
Børsen brennur á afmæli drottningar
„Eins og ef Alþingishúsið brynni hér“
Gleymir seint deginum sem skriðurnar féllu