Fiskiðjuver Síldarvinnslunnar í Neskaupstað hefur tekið við 21.300 tonnum af makríl á yfirstandandi vertíð og hefur hann ýmist verið hausaður, flakaður eða heilfrystur, að því er fram kemur á vef fyrirtækisins.

Jón Gunnar Sigurjónsson yfirverkstjóri segir vinnsluna hafa gengið vel, en að það hafi haft áhrif hversu langt uppsjávarskipin hafa þurft að fara til þess að sækja makrílinn. „Það veldur nokkrum erfiðleikum að makríllinn skuli ekki veiðast hér við bæjardyrnar. Skipin þurfa að sækja hann í Smuguna og þangað er 30 tíma sigling eða meira. Þá hefur veiðin þar verið dyntótt,“ segir hann.

Frétt af mbl.is

„Vissulega er dálítið leiðinlega langt að fara“

„Allt þetta hefur gert það að verkum að það hefur verið erfitt að halda uppi samfelldri vinnslu. Við kláruðum til dæmis 1400 tonn úr Beiti í gærkvöldi og síðan var þrifið í nótt. Við vonumst síðan til að fá hráefni á morgun, en í nótt var einhver kaldi á miðunum þannig að það er óvíst.“

Í fiskiðjuverinu starfa um 100 manns á makrílvertíðinni. Unnið er á þrískiptum 12 tíma vöktum og á hverri vakt starfa 27 beint við framleiðsluna.

Tengdar fréttir

Makrílveiðar

Munu reyna til hins ýtrasta að ná samkomulagi

• Samkomulag um ráðgjöf en ekki um veiði
• Leggja til 24% samdrátt í síldarkvóta
• Vilja viðskiptaaðgerðir gegn Noregi og Færeyjum
• „Við höfum ekkert gaman af svartsýni“

» Fleiri tengdar fréttir

• Blogga um frétt