Útflutningsverðmæti eldisafurða nam um 1,5 milljörðum króna í júlí samanborið við tæplega 1,6 milljarða króna í sama mánuði í fyrra. Samdrátturinn var því 5% milli ára í krónum talið en hann var rúmlega 15% ef mælt er í erlendri mynt, að því er fram kemur í grein á Radarnum. Þar segir jafnframt að í tonnum er samdrátturinn meiri, eða sem nemur um 23% á tímabilinu.

Skjáskot/Radarinn

Fram kemur að útflutningsverðmæti eldislax hafi verið 1.148 milljónir króna í júlí samanborið við 1.053 milljónir í sama mánuði í fyrra. Aukningin milli ára er því 9% í krónum talið, en rúmlega 2% samdráttur mælist í erlendri mynt og í tonnum er samdrátturinn rúmlega 13%.

Frétt af mbl.is

Markaðsverð á laxi fallið um 34% á tólf vikum

„Ástæða þessa mismunar er að í tölum um útflutning eldislax er flokkur sem nefnist „lifandi eldislax, þar með talið seiði“. Ætla má að þar sé um að ræða frjóvguð hrogn […] Verðmæti þess útflutnings var 457 milljónir króna í júlí, sem er um 140% aukning á milli ára, mælt í erlendi mynt. Var vægi hans um 40% af heildarútflutningsverðmæti eldislax í júlí en um 14% í tonnum talið. Að þessum útflutningi undanskildum dróst útflutningsverðmæti eldislax í erlendri mynt saman um 30% á milli ára en um 25% að magni til,“ segir í greininni.

Í júlí nam útflutningsverðmæti silungs 324 milljónum króna en var 381 milljón í fyrra. Er það samdráttur upp á 15% í krónum talið en um 24% í erlendri mynt.

Skjáskot/Radarinn

Tengdar fréttir

Fiskeldi

Fjárfestingin 115 milljarðar króna

• Bátur Arnarlax verður fyrsti sinnar tegundar
• Lagareldismálið fyrst á dagskrá
• Gera niðurstöður umhverfisvaktana aðgengilegar
• Gagnrýna aðferðir við áhættumat

» Fleiri tengdar fréttir

• Blogga um frétt