Björn Thor til IceMar

IceMar hefur ráðið Björn Thor Jónsson til starfa sem sölustjóra félagsins.

Björn hefur víðtæka og mikla reynslu af sjávarútvegi, þá sérstaklega við kaup og sölu sjávarafurða, að því er fyrirtækið greinir frá. 

Björn er nú búsettur á Íslandi eftir að hafa starfað og búið á Spáni, Þýskalandi, Frakklandi og Englandi í yfir 25 ár. Björn hefur starfað fyrir íslensk fyrirtæki, sem og spænsk og kanadísk fyrirtæki í sölu og markaðssetningu sjávarafurða.

IceMar ehf var stofnað í apríl árið 2003 og sérhæfir sig í útflutningi og dreifingu á íslenskum sjávarafurðum.

„Rekstrarhagnaður félagsins fyrir árið 2019 nam um 145 milljónum króna fyrir skatta. Árið 2020 lítur ágætlega út þrátt fyrir COVID ástandið og má búast við álíka árangri þetta árið ef fram heldur sem horfir.  Útflutningur félagsins á ferskum fiski með flugi hefur dregist nokkuð saman vegna COVID en viðskipti félagsins með frystar afurðir, beint og óbeint inn á smásölumarkaði vestan hafs og austan hafa aukist töluvert á árinu.

Helstu markaðir félagsins eru innan Evrópu og Norður Ameríku,“ segir í tilkynningu félagsins. 

• Blogga um frétt