Fyrrverandi útgerðarstjóri til liðs við Ekkó Toghlera

Sigurbjörn Svavarsson fyrrverandi útgerðarstjóri gengur til liðs við toghlerafyrirtækið Ekkó Toghlera og er orðinn stjórnarformaður félagsins. Þetta kemur fram í tilkynningu.  

Sigurbjörn hefur áratuga reynslu í sjávarútvegi, m.a var hann útgerðarstjóri Granda hf. og framkvæmdastjóri Scanmar á Íslandi. Þá starfaði hann í verkefnastjórn hjá Brimi hf. og við ráðgjafarstörf hjá erlendum útgerðarfyrirtækjum í Síle, Argentínu og Kanaríeyjum.

„Ég geng til liðs við fyrirtækið til að styðja þessa byltingarkenndu framför í togveiðum, sem mun stuðla að hagkvæmari og umhverfisvænni veiðum. Fyrirtækið EKKÓ Toghlerar hefur hannað og þróað nýja gerð toghlera fyrir allar togveiðar sem er nýtt skref í þróun toghlera. Reynsla hleranna sýnir glögglega minni olíueyðslu og meiri afla á togtíma umfram aðra toghlera,“ er haft eftir Sigurbirni í tilkynningu.

• Blogga um frétt