Olíunotkun í sjávarútvegi nam 129 þúsund tonnum á síðasta ári. Það er minnsta notkun frá upphafi mælinga, sem ná aftur til ársins 1982, fyrir daga kvótakerfisins.

Þetta má ráða af endurskoðuðum tölum Orkustofnunar um olíunotkun eftir geirum sem voru birtar í sumar, að því er Samtök fyrirtækja í sjávarútvegi greina frá. 

Notkunin var jafnframt minni á árinu 2019 en fyrstu bráðabirgðatölur stofnunarinnar bentu til, sem einkum má rekja til minni olíunotkunar innlendra fiskiskipa.

Samkvæmt endurskoðuðum tölum var olíunotkun innlendra fiskiskipa rúm 126 þúsund tonn á árinu 2019. Það er rúmlega 3% minni notkun á árinu en bráðabirgðatölurnar bentu til. 

Olíunotkun innlendra fiskiskipa dróst því saman um rúm 7% á milli áranna 2018 og 2019. Samdrátturinn var öllu meiri í olíunotkun fiskimjölsverksmiðja, eða 63%, þar sem notkunin nam tæplega 3 þúsund tonnum.

Í heild nam samdrátturinn í greininni um 10% á milli ára.

Tengdar fréttir

Loftslagsvá

Atomium lokað: Kúlurnar ofhitna

• Hitinn fór upp í 46,6 stig í Portúgal
• Rauð viðvörun vegna hita í Frakklandi
• 46 gráður á Spáni: Nýtt hitamet fyrir júnímánuð
• Fyrsta hitabylgja sumarsins ríður yfir Evrópu

» Fleiri tengdar fréttir

• Blogga um frétt