Skipverjarnir eru í áhöfn Gullvers

Skipverjarnir fimm sem fara í land í kvöld og eru með einkenni kórónuveirusmits tilheyra 15 manna áhöfn togarans Gullvers NS-012. Þetta staðfestir Gunnþór Björn Ingvason, framkvæmdastjóri Síldarvinnslunnar, í samtali við mbl.is.

Frétt af mbl.is

Fimm skipverjar mögulega smitaðir

„Við vonum að hér sé ekki um smit að ræða,“ segir Gunnþór. Skipið hefur verið í nokkra daga á siglingu við Íslandsstrendur og fer í land á Seyðisfirði í kvöld.

„Við förum eftir þeim reglum sem eru settar, þangað til verður að koma í ljós hvað gerist,“ segir Gunnþór og bætir við að smit geti komið upp hvar sem er í samfélaginu.

Starfsfólk Heilbrigðisstofnunar Austurlands undirbýr nú móttöku skipverjanna en niðurstaða sýnatöku ætti að liggja fyrir síðdegis á morgun.

• Blogga um frétt