Síðasta vika var góð hjá þeim bátum sem róa frá höfnum Snæfellsbæjar og hefur veðrið þótt með eindæmum gott til sjósóknar. Þá hefur veiðin gengið vel hjá handfærabátum sem hafa komið með yfir 2 tonn að landi sem þykir mjög gott á þessum árstíma.

Nokkrir dragnóta bátar hafa verið að veiðum við Vestfirði og hefur verið afbragðs veiði, en þeir sem hafa verið við veiðar á heimaslóð hafa upplifað reyting þar. Þó náði Egill SH að koma til hafnar með 12 tonn á sunnudag.

Línubátar hafa fengið ágætis afla og kom meðal annars Sverrir SH með 8 tonn að landi og uppstaða aflans var þorskur en ýsa hefur verið uppistaðan hjá öðrum línubátum.

Tilraunaveiðar með humargildrur á Ingu P SH hafa gengið ágætlega og nam mesti afli 50 kíló.

Klement Sigurðsson skipstóri á Ingu P ánægður með humaraflann. mbl.is/Alfons Finnsson

Tengdar fréttir

Smábátaveiðar

Ánægður með nýja Sigrúnu Björk ÞH

• Lokun Skápsins tvímælalaust að skila sér
• „Leggjum línuna hvenær sem veður leyfir“
• Náðu 10 tonnum í mokveiði
• Fordæma vinnubrögð og mótmæla tillögum

» Fleiri tengdar fréttir

• Blogga um frétt