Ráðist í umfangsmikla stækkun Sundahafnar

Sundahöfn Það verður ekkert smáræðis verkefni að fylla höfnina fyrir …
Sundahöfn Það verður ekkert smáræðis verkefni að fylla höfnina fyrir framan vöruhótel Eimskips við Vatnagarða-bakka. Fyrir miðri mynd eru byggingar Fóðurblöndunnar við Korngarða. Fyrirtækið mun víkja í fyllingu tímans Eggert Jóhannesson

Fyrir dyrum stendur næsti áfangi þróunar Sundahafnar í Reykjavík. Um er að ræða hafnargerð í Vatnagörðum, sem Faxaflóahafnir sf. ætla að ráðast í á næstu árum. Þegar þessum framkvæmdum lýkur verður hafnarsvæði Sundahafnar að mestu fullmótað. Þetta er mikilvægasta vöruhöfn Íslands og þangað koma langflestir farþegar með skemmtiferðaskipum. Við Sundahöfn eru einnig mörg stærstu innflutningsfyrirtæki landsins með skrifstofur og vöruskemmur.

Þurfa 1.125.000 rúmmetra í fyllinguna

Í sumar var boðin út vinna við mat á umhverfisáhrifum framkvæmdarinnar. Fimm tilboð bárust í verkið frá Mannviti, VSÓ ráðgjöf, Alta, Verkís og Eflu verkfræðistofu. Lægsta tilboðið var frá Eflu, 9,4 milljónir, og er búið að semja við stofuna um verkið.

Hafnargerðin í Vatnagörðum felur m.a. í sér lengingu Skarfabakka til suðurs að Kleppsbakka, uppfyllingu og landgerð og aflagningu eldri bakka í Vatnagörðum. Viðamesta verkið verður landfylling fyrir framan vöruhótel Eimskips. Áætlað er að í fyllinguna fari 1.125.000 rúmmetrar efnis. Við þessa framkvæmd verður til 300 metra langur nýr hafnarbakki en eldri bakkar, alls um 770 metrar, leggjast af. Með landgerðinni verður til 75 þúsund fermetra svæði fyrir gáma og aðra hafnarstarfsemi. Efni í landgerðina mun að mestu fást með dælingu af hafsbotni en einnig mun hluti þess koma frá námum á landi. Áætlað er að hefja framkvæmdir haustið 2022. Fyrir liggur samþykkt aðalskipulag.

Önnur atriði þróunaráætlunarinnar felast í færslu á Kleppsbakka til norðurs, lengingu Sundabakka til suðurs og lengingu Vogabakka til norðausturs.

Gert er ráð fyrir töluverðum breytingum á höfninni. (Sundahöfn)
Gert er ráð fyrir töluverðum breytingum á höfninni. (Sundahöfn)

Athafnasvæði Eimskips er við Sundabakka gegnt Viðey en athafnasvæði Samskipa er við Vogabakka við Elliðaárvog. Eins og fram hefur komið í fréttum er Eimskip um þessar mundir að taka í notkun ný og stór gámaskip. Þetta eru stærstu skip íslenska flotans, rúmlega 26 þúsund brúttótonn að stærð.

Samhliða framkvæmdum við nýja hafnarbakka og landfyllingar hyggjast Faxaflóahafnir ráðast í dýpkanir í Viðeyjarsundi og Kleppsvík og verður hluti efnisis sem þannig fæst nýttur í landagerðina. Þessi dýpkun er nauðsynleg vegna tilkomu nýrra og stærri skipa sem eru með meiri djúpristu en þau gömlu. Fyrsti áfanginn, dýpkun á Viðeyjarsundi fyrir framan Sundabakka, var boðinn út nýlega og er áætlað að opna tilboð í verkið í dag, 15. október.

Dýpkunarefni úr Viðeyjarsundi verður losað í aflagða efnisnámu á hafsbotni suðaustur af Engey en þar hefur verið losað efni síðan árið 2005. Alls hafa þegar verið haugsettir rúmlega 1.000.000 rúmmetrar af dýpkunarefni í þessa námu sem hætt var að nýta til efnistöku fyrir meira en 20 árum. Stefnt er að verklokum dýpkunar 1. apríl 2021.

Hvar verður Sundabrautin?

Nú stendur yfir vinna starfshóps sem samgönguráðherra skipaði til að endurmeta áætlanir um Sundabraut. Starfshópurinn stefnir að því að skila niðurstöðu síðar í þessum mánuði. Verkefni starfshópsins er að endurmeta þá tvo kosti sem starfshópur um Sundabraut á vegum ríkisins og Samtaka sveitarfélaga á höfuðborgarsvæðinu (SSH) taldi fýsilegasta í skýrslu sinni sem kynnt var í júlí í fyrra. Það eru jarðgöng yfir í Gufunes og lágbrú sem þverar hafnarsvæðið við Kleppsvík.

Verði lágbrú talin besti kosturinn mun Sundabrautin þvera hafnarsvæðið fyrir neðan Klepp. Sundabrautin er ekki með í því umhverfismati sem nú er að hefjast og ekki verið að velta upp möguleikum sem gætu komið upp vegna hennar, upplýsir Inga Rut Hjaltadóttir forstöðumaður tæknideildar Faxaflóahafna Morgunblaðið.

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Kauptu vikupassa

Lestu meira með vikupassa!

Fáðu þér vikupassa fyrir 1.890 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »

Afurð Dags. Meðalverð
Gellur 9.9.20 961,00 kr/kg
Þorskur, óslægður 27.10.20 455,78 kr/kg
Þorskur, slægður 27.10.20 401,17 kr/kg
Ýsa, óslægð 27.10.20 331,06 kr/kg
Ýsa, slægð 27.10.20 285,08 kr/kg
Ufsi, óslægður 27.10.20 170,63 kr/kg
Ufsi, slægður 27.10.20 152,64 kr/kg
Djúpkarfi 21.9.20 192,00 kr/kg
Gullkarfi 27.10.20 177,75 kr/kg
Litli karfi 27.10.20 0,00 kr/kg

Fleiri tegundir »

27.10.20 Sandfell SU-075 Lína
Þorskur 1.199 kg
Ýsa 422 kg
Hlýri 363 kg
Karfi / Gullkarfi 216 kg
Keila 214 kg
Samtals 2.414 kg
27.10.20 Esjar SH-075 Dragnót
Þorskur 1.724 kg
Ýsa 1.333 kg
Skarkoli 1.034 kg
Steinbítur 108 kg
Sandkoli 105 kg
Lúða 32 kg
Þykkvalúra / Sólkoli 4 kg
Samtals 4.340 kg
27.10.20 Hafborg EA-152 Dragnót
Þorskur 22.896 kg
Skarkoli 1.279 kg
Þykkvalúra / Sólkoli 7 kg
Steinbítur 5 kg
Samtals 24.187 kg

Skoða allar landanir »

Afurð Dags. Meðalverð
Gellur 9.9.20 961,00 kr/kg
Þorskur, óslægður 27.10.20 455,78 kr/kg
Þorskur, slægður 27.10.20 401,17 kr/kg
Ýsa, óslægð 27.10.20 331,06 kr/kg
Ýsa, slægð 27.10.20 285,08 kr/kg
Ufsi, óslægður 27.10.20 170,63 kr/kg
Ufsi, slægður 27.10.20 152,64 kr/kg
Djúpkarfi 21.9.20 192,00 kr/kg
Gullkarfi 27.10.20 177,75 kr/kg
Litli karfi 27.10.20 0,00 kr/kg

Fleiri tegundir »

27.10.20 Sandfell SU-075 Lína
Þorskur 1.199 kg
Ýsa 422 kg
Hlýri 363 kg
Karfi / Gullkarfi 216 kg
Keila 214 kg
Samtals 2.414 kg
27.10.20 Esjar SH-075 Dragnót
Þorskur 1.724 kg
Ýsa 1.333 kg
Skarkoli 1.034 kg
Steinbítur 108 kg
Sandkoli 105 kg
Lúða 32 kg
Þykkvalúra / Sólkoli 4 kg
Samtals 4.340 kg
27.10.20 Hafborg EA-152 Dragnót
Þorskur 22.896 kg
Skarkoli 1.279 kg
Þykkvalúra / Sólkoli 7 kg
Steinbítur 5 kg
Samtals 24.187 kg

Skoða allar landanir »