Enginn má fara frá borði
Setja bókamerki
Frystitogarinn Júlíus Geirmundsson er nú komið til hafnar á Ísafirði, en meirihluti 25 manna áhafnar þess er smitaður af kórónuveirunni.
Heilbrigðisstarfsfólk fór um borð í skipið og tók sýni úr öllum skipverjum um hádegi í dag. „[Sýnin] verða send suður á eftir og við fáum niðurstöður úr þeim um eða eftir hádegi á morgun,“ segir Gylfi Ólafsson, forstjóri Heilbrigðisstofnunar Vestfjarða. „Þá erum við betur búin að kortleggja stöðuna.“
Ljóst er að um tuttugu manns þurfa að fara í einangrun og nokkrir í sóttkví. Gylfi segir fyrirkomulag einangrunarinnar verða unnið í samráði við áhöfnina og sóttvarnaryfirvöld. „Sumir gætu viljað fara heim til sín ef það er aðstaða til þess, sumir gætu viljað fara í farsóttarhús, annaðhvort á Rauðarárstíg eða þá að við gætum útbúið það hér fyrir vestan, og sumir gætu viljað vera áfram um borð,“ segir Gylfi. „Þeir ráða því frekar mikið sjálfir.“
Áhöfnin er þó enn föst á skipinu, að minnsta kosti til morgundagsins. „Enginn má fara frá borði áður en heilbrigðisyfirvöld hafa leyft það.“
Telur forsendur fyrir vaxtalækkun
Sex hafa greinst með listeríu
Eyjafjarðarbraut lokað vegna alvarlegs umferðarslyss
Vélsleðaslys: Þyrlan kölluð út á mesta forgangi
Árshátíð ríkislögreglustjóra haldin í Tékklandi
Skiptir miklu meira máli en fólk grunar
Shakespeare fannst í skókassa
Krefjast stöðvunar framkvæmda