Gamla pungaprófið heyrir sögunni til

Þeir sem ætla að uppfæra skipstjórnarréttindi sín í samræmi við …
Þeir sem ætla að uppfæra skipstjórnarréttindi sín í samræmi við nýju lögin hafa frest til fyrsta janúar. mbl.is/Hafþór Hreiðarsson

Frestur til að sækja um uppfærslu skipstjórnarréttinda í samræmi við breytt lög rennur út 1. janúar 2021.

Fyrsta september tóku gildi breytingar sem Alþingi samþykkti í desember í fyrra á lögum um áhafnir íslenskra fiskiskipa, varðskipa, skemmtibáta og annarra skipa. Með samþykkt frumvarpsins var skilgreiningu í lögum á hugtakinu smáskip breytt þannig að þau teljast nú vera skip sem eru fimmtán metrar að skráningarlengd eða styttri í stað tólf metra áður.

Frumvarpinu fylgdi einnig bráðabirgðaákvæði og er þar skipstjórnar- og vélstjórnarmönnum, sem hafa skírteini til að starfa á skipum sem eru styttri en tólf metrar að skráningarlengd, gefinn frestur til fyrsta janúar 2021 til að fá uppfærslu réttinda til að gegna sömu störfum á skipum sem eru fimmtán metrar að skráningarlengd.

Þeir sem hyggjast sækja um uppfærslu skipstjórnarréttinda úr 12 metrum og styttri í fimmtán metra og styttri þurfa að uppfylla sett skilyrði og er krafist þess að umsóknaraðili þurfi að hafa verið lögskráður sem skipstjóri í að minnsta kosti 12 mánuði, uppfylli kröfur laga og reglugerðar um aldur, menntun og heilbrigði, hafi lokið öryggisfræðslunámi smáskipa og lokið viðurkenndu námskeiði í skyndihjálp.

Þá er gert ráð fyrir að þeir einstaklingar sem hófu nám til réttinda eftir 1. september 2020 fái sjálfkrafa uppfærð réttindi í samræmi við breytinguna.

Ekki lengur brúttórúmlestir

Fram kemur í tilkynningu á vef Samgöngustofu að 30 brúttórúmlesta skipstjórnarskírteini, eða pungaprófið gamla, verði ekki lengur gefin út, vegna þess að skip eru ekki lengur mæld í brúttórúmlestum. Þeir sem eru handhafar slíks atvinnuskírteinis til skipstjórnar eiga rétt á að fá útgefið skírteini til að vera skipstjóri á skipum sem eru 15 metrar og styttri að skráningarlengd í strandsiglingum. Sama gildir um þá einstaklinga sem hafa starfað á skipum undir 30 brúttórúmlestum, en yfir 15 metrum að skráningarlengd.

Þeir sem eru handhafar slíkra réttinda þurfa ekki að sækja um uppfærslu réttinda heldur verður áletrun nýrra skírteina breytt þegar þau koma til endurnýjunar hjá Samgöngustofu.

Einnig vélaverðir

Breytingin hefur einnig áhrif á atvinnuskírteini smáskipavélavarða á fiskiskip og önnur skip. Þau réttindi miðuðust áður við 12 metra og styttra og 750 kW en miðast nú við 15 metra og styttri og 750 kW. Ekki þarf að sækja um ný atvinnuskírteini vegna þessa, en þau verða uppfærð við endurnýjun hjá Samgöngustofu. Hins vegar þarf umsækjandi – við endurnýjun skírteinanna – að sýna fram á að hafa lokið öryggisfræðslunámi smáskipa hjá Slysavarnaskóla sjómanna eða öðrum viðurkenndum þjálfunaraðila og viðurkenndu námskeiði í skyndihjálp.

Hætt hefur verið að gefa út sérstök atvinnuskírteini á sjókvíavinnuskip, en þau falla nú undir sömu ákvæði og önnur skip. Þar af leiðandi eiga þeir sem eru handhafar sérstakra skipstjórnar- og vélstjórnarréttinda á sjókvíavinnuskip rétt á að fá útgefin sambærileg réttindi.

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Kauptu vikupassa

Lestu meira með vikupassa!

Fáðu þér vikupassa fyrir 1.890 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »

Afurð Dags. Meðalverð
Gellur 9.9.20 961,00 kr/kg
Þorskur, óslægður 23.11.20 356,06 kr/kg
Þorskur, slægður 23.11.20 328,23 kr/kg
Ýsa, óslægð 23.11.20 278,14 kr/kg
Ýsa, slægð 23.11.20 253,83 kr/kg
Ufsi, óslægður 23.11.20 141,51 kr/kg
Ufsi, slægður 23.11.20 146,24 kr/kg
Djúpkarfi 10.11.20 209,00 kr/kg
Gullkarfi 23.11.20 171,53 kr/kg
Litli karfi 27.10.20 0,00 kr/kg

Fleiri tegundir »

23.11.20 Hafrafell SU-065 Lína
Keila 470 kg
Steinbítur 27 kg
Karfi / Gullkarfi 18 kg
Samtals 515 kg
23.11.20 Geir ÞH-150 Þorskfisknet
Ufsi 22.200 kg
Samtals 22.200 kg
23.11.20 Finnbjörn ÍS-068 Dragnót
Þorskur 53 kg
Lúða 7 kg
Þykkvalúra / Sólkoli 5 kg
Samtals 65 kg
23.11.20 Þorlákur ÍS-015 Dragnót
Þykkvalúra / Sólkoli 6 kg
Steinbítur 5 kg
Lúða 2 kg
Ýsa 2 kg
Samtals 15 kg

Skoða allar landanir »

Afurð Dags. Meðalverð
Gellur 9.9.20 961,00 kr/kg
Þorskur, óslægður 23.11.20 356,06 kr/kg
Þorskur, slægður 23.11.20 328,23 kr/kg
Ýsa, óslægð 23.11.20 278,14 kr/kg
Ýsa, slægð 23.11.20 253,83 kr/kg
Ufsi, óslægður 23.11.20 141,51 kr/kg
Ufsi, slægður 23.11.20 146,24 kr/kg
Djúpkarfi 10.11.20 209,00 kr/kg
Gullkarfi 23.11.20 171,53 kr/kg
Litli karfi 27.10.20 0,00 kr/kg

Fleiri tegundir »

23.11.20 Hafrafell SU-065 Lína
Keila 470 kg
Steinbítur 27 kg
Karfi / Gullkarfi 18 kg
Samtals 515 kg
23.11.20 Geir ÞH-150 Þorskfisknet
Ufsi 22.200 kg
Samtals 22.200 kg
23.11.20 Finnbjörn ÍS-068 Dragnót
Þorskur 53 kg
Lúða 7 kg
Þykkvalúra / Sólkoli 5 kg
Samtals 65 kg
23.11.20 Þorlákur ÍS-015 Dragnót
Þykkvalúra / Sólkoli 6 kg
Steinbítur 5 kg
Lúða 2 kg
Ýsa 2 kg
Samtals 15 kg

Skoða allar landanir »