„Minna um fíflalæti þegar mamma er á svæðinu“

Ótrúlegt en satt að síðasta fiskbúðin í Keflavík lokaði 2015. …
Ótrúlegt en satt að síðasta fiskbúðin í Keflavík lokaði 2015. Þetta stolta sjávarpláss fékk loks aftur fiskbúð á þessu ári og sýna heimamenn búðini mikinn áhuga að sögn eigenda. Víkurfréttir/Páll Ketilsson

Viðtökurnar fyrstu mánuðina eftir opnun Fiskbúðar Reykjaness sýna að Keflvíkinga sárvantaði góða fiskbúð. Sigurður Magnússon er eigandi búðarinnar og segir töluvert meiri umferð þar en í fiskbúðinni sem móðir hans rak á sínum tíma á öðrum stað í bænum en lokaði 2015.

„Þar var önnur samsetning á viðskiptavinahópnum, önnur umgjörð og vöruúrval. Hér getur gamla fólkið í bænum fundið hefðbundna fiskinn en við erum líka með tilbúna rétti sem tekur enga stund að matbúa og bjóðum upp á heitan mat í hádeginu – að minnsta kosti alltaf plokkfisk og steiktan fisk. Við lögðum líka ríka á herslu á það að verslunin væri heimilisleg og undirstrikuðum það m.a. með parketi á gólfum og með því að klæða veggina með brenndum viðarplötum.“

Mamma þekkt fyrir plokkfiskinn

Sigurður, sem er ekki nema 27 ára gamall, hóf snemma að vinna hin ýmsu störf tengd sjávarútvegi. „Pabbi var með nokkra báta og ég ólst upp við veiðar og fiskvinnslu. Sautján ára gamall fór ég í fisktækniskólann og hef unnið við flest það sem hægt er að gera tengt fiski.“

Verslunin er hin glæsilegasta.
Verslunin er hin glæsilegasta. Víkurfréttir/Páll Ketilsson

Vitaskuld fékk Sigurður líka að hlaupa undir bagga í fiskbúð móður sinnar Hrafnhildar Gunnarsdóttur og gaman að sjá að hún kemur honum núna til hjálpar við nýja reksturinn. „Þetta er fjölskyldufyrirtæki og ég þræla mínum nánustu út,“ segir Sigurður glettinn. „Systir mín sér um eldhúsið og matreiðir heitu réttina, og maðurinn hennar stendur vaktina í afgreiðslunni. Ég er sjálfur á þeytingi við að redda fiski, snyrta og flaka eftir atvikum, og mamma – sem er fræg fyrir plokkfiskinn sinn – hjálpar okkur við að koma búðinni í gang á morgnana. Hún heldur líka uppi vissum aga og greinilegt að minni er um fíflalæti í fiskbúðinni þegar mamma er á svæðinu.“

Vildi vera sinn eigin herra

Sigurður segir heimamenn sýna versluninni mikinn áhuga og sumir venji komur sínar í búðina til þess eins að spjalla og sjá hvernig gengur, án þess endilega að vanta fisk þá stundina. „Í fimm ár hafa íbúar Reykjaness ekki haft um annað að velja en að ýmist aka til Reykjavíkur til að kaupa ferskan fisk eða þurfa að sætta sig við það sem stórmarkaðirnir á svæðinu hafa upp á að bjóða.“

Spurður hvers vegna maður á þrítugsaldri ákveður að opna fiskbúð segir Sigurður að hann hafi fengið sig fullsaddan af því að strita fyrir aðra. Loks fyllti það mælinn þegar hann var að aka vörubílsfarmi við einstaklega erfiðar aðstæður í janúar síðastliðnum.

Sigurður Magnússon segist hafa fengið sig full saddan af að …
Sigurður Magnússon segist hafa fengið sig full saddan af að stríta fyrir aðra. Víkurfréttir/Páll Ketilsson

„Þetta var ótrúlega leiðinleg ferð og varð til þess að ég gerði það upp við mig að opna fiskbúðina sem allra fyrst,“ segir hann en heppilegt húsnæði reyndist vera laust á Brekkustíg, steinsnar frá Vínbúðinni og Hamborgarabúllu Tómasar. „Við þurftum að taka rýmið rækilega í gegn og verslunarhúsnæðið var í rauninni bara stór geymur þegar við fengum það í hendurnar. Þarna athöfnuðum við okkur í þrjá mánuði og vorum alveg óvanir smiðir en lærðum heilmikið í leiðinni.“

Vilja eiga nóg af fiski í faraldri

Salan gengur prýðilega en Sigurður segir greinilegt að kórónuveirufaraldurinn hefur veruleg áhrif. Sigurður segir samdráttinn mestan hjá mötuneytunum sem versla við fiskbúðina en neytendur hafi líka dregið úr fiskkaupunum í þeirri bylgju smita sem núna gengur yfir. „Salan hefur dregist saman um 20-30% á síðustu 2-3 vikum. Ekki er að greina það að fólk sé að færa sig frá dýrari tegundum yfir í ódýrari, en aftur á móti sáum við það þegar fréttir bárust af fjölgun smita að margir gripu til þess ráðs að birgja sig upp af fiski til að geyma í frysti og eiga þá örugglega eitthvað gott í matinn sama hvað dynur á.“

Til að koma enn betur til móts við viðskiptavini sína í faraldrinum er Sigurður duglegur við að færa þeim fiskinn heim að dyrum og þrátt fyrir mikið streð sér hann alls ekki eftir þeirri ákvörðun að gerast fisksali. „Það er auðvitað alltaf mikið fyrir því haft að koma fyrirtæki á laggirnar en ef maður leggur sig fram við reksturinn þá er ekki von á öðru en að takist að láta þetta verkefni lifa mjög lengi.“

Fiskbúð Reykjaness býður uppá ýmsar kræsingar.
Fiskbúð Reykjaness býður uppá ýmsar kræsingar. Víkurfréttir/Páll Ketilsson
Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Kauptu vikupassa

Lestu meira með vikupassa!

Fáðu þér vikupassa fyrir 1.990 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »

Afurð Dags. Meðalverð
Þorskur, óslægður 21.6.21 301,20 kr/kg
Þorskur, slægður 21.6.21 310,61 kr/kg
Ýsa, óslægð 21.6.21 431,43 kr/kg
Ýsa, slægð 21.6.21 230,50 kr/kg
Ufsi, óslægður 21.6.21 92,43 kr/kg
Ufsi, slægður 21.6.21 115,77 kr/kg
Djúpkarfi 16.6.21 102,00 kr/kg
Gullkarfi 21.6.21 146,79 kr/kg
Litli karfi 15.6.21 0,00 kr/kg
Blálanga, óslægð 21.6.21 213,80 kr/kg

Fleiri tegundir »

21.6.21 Báran SI-086 Handfæri
Þorskur 740 kg
Ýsa 4 kg
Samtals 744 kg
21.6.21 Loftur HU-717 Handfæri
Þorskur 589 kg
Ufsi 526 kg
Ýsa 3 kg
Gullkarfi 2 kg
Samtals 1.120 kg
21.6.21 Jón Ásbjörnsson RE-777 Lína
Hlýri 171 kg
Þorskur 53 kg
Keila 15 kg
Gullkarfi 14 kg
Samtals 253 kg
21.6.21 Halldór NS-302 Lína
Hlýri 142 kg
Keila 136 kg
Gullkarfi 74 kg
Þorskur 49 kg
Grálúða 36 kg
Steinbítur 21 kg
Samtals 458 kg

Skoða allar landanir »

Afurð Dags. Meðalverð
Þorskur, óslægður 21.6.21 301,20 kr/kg
Þorskur, slægður 21.6.21 310,61 kr/kg
Ýsa, óslægð 21.6.21 431,43 kr/kg
Ýsa, slægð 21.6.21 230,50 kr/kg
Ufsi, óslægður 21.6.21 92,43 kr/kg
Ufsi, slægður 21.6.21 115,77 kr/kg
Djúpkarfi 16.6.21 102,00 kr/kg
Gullkarfi 21.6.21 146,79 kr/kg
Litli karfi 15.6.21 0,00 kr/kg
Blálanga, óslægð 21.6.21 213,80 kr/kg

Fleiri tegundir »

21.6.21 Báran SI-086 Handfæri
Þorskur 740 kg
Ýsa 4 kg
Samtals 744 kg
21.6.21 Loftur HU-717 Handfæri
Þorskur 589 kg
Ufsi 526 kg
Ýsa 3 kg
Gullkarfi 2 kg
Samtals 1.120 kg
21.6.21 Jón Ásbjörnsson RE-777 Lína
Hlýri 171 kg
Þorskur 53 kg
Keila 15 kg
Gullkarfi 14 kg
Samtals 253 kg
21.6.21 Halldór NS-302 Lína
Hlýri 142 kg
Keila 136 kg
Gullkarfi 74 kg
Þorskur 49 kg
Grálúða 36 kg
Steinbítur 21 kg
Samtals 458 kg

Skoða allar landanir »