Gleðilegir endurfundir í Sundahöfn við komu Brúarfoss

Það var tilfinningaþrungin stund á hafnarbakkanum í Sundahöfn í Reykjavík í gærkvöldi er Brúarfoss, nýsmíði Eimskips, kom í fyrsta sinn til hafnar á Íslandi. Skipið lagði frá bryggju í Guangzhou í Kína þann 13. október og hefur áhöfnin því verið 44 daga á leiðinni.

Frétt af mbl.is

„Við erum óneitanlega spenntir að koma heim“

Vegna leiðindaveðurs í gærkvöldi var ekki haldin hefðbundin athöfn við komuna og vegna sóttvarnareglna gátu fjölskyldur ekki staðið á hafnarbakkanum til að fagna heimkomu ástvina sinna, heldur þurfti aðstandendur að bíða aðskildir í bílum sínum.

Vegna sóttvarnaaðgerða þurftu ástvinir áhafnarinnar að bíða í bílunum sínum á hafnarbakkanum. mbl.is/Kristinn Magnússon

mbl.is/Kristinn Magnússon

Þrátt fyrir þessar heldur óvenjulegu aðstæður var auðsjáanleg gleði á bryggjunni enda fékk áhöfnin að heilsa sínu fólki þar sem hún var ekki í sóttkví, andstætt því þegar nýr Dettifoss kom til landsins í júlí.

Brúarfoss stoppar stutt og mun bráðlega halda til Nuuk á Grænlandi.

Karl Guðmundsson skipstjóri var glaður að sjá. mbl.is/Kristinn Magnússon

mbl.is/Kristinn Magnússon

Kátir voru karlar. mbl.is/Kristinn Magnússon

mbl.is/Kristinn Magnússon

• Blogga um frétt