Vara við stórstreymi og áhlaðanda næstu daga

Fullt tungl er í dag og verður því stórstreymt næstu daga. Landhelgisgæslan vekur athygli á þessu í tilkynningu. Bent er á að vegna vind- og ölduáhlaðanda megi gera ráð fyrir að sjávarhæð verði hærri en sjávarfallaspár gefa til kynna, fyrst sunnan- og vestanlands en svo um norðanvert landið um og eftir miðja vikuna.

Þessar aðstæður skapast vegna tunglsins auk þess sem veðurspár gera ráð fyrir stífri suðvestanátt á morgun og svo norðan hvassviðri fyrir Norðurlandi á miðvikudag og fimmtudag.

Ölduhæðarspákort klukkan 18 á morgun, þriðjudag 1. desember. Mynd/Vegagerðin

Ölduhæðarspákort klukkan 06 á fimmtudag 3. desember. Mynd/Vegagerðin

• 
• Blogga um frétt